ކަރަންޓީނު ފެސިލިޓީތަކަކީ ޖަލެއް ނޫން: ފައިރޫޝް

ކަރަންޓީނު ފެސިލިޓީތަކަކީ ޖަލުތަކެއް ނޫން ކަމަށާއި އެ ތަންތަނަަށް ގެންދާ މީހުން ފަރުދީ ޒިންމާ އަދާކުރަންޖެހޭ ކަމަށް އެސިސްޓެންޓް ކޮމިޝަނަރު އޮފް ޕޮލިސް އަބްދުﷲ ފައިރޫޝް ވިދާޅުވެއްޖެ އެވެ.

ފައިރޫޝް މިހެން ވިދާޅުވީ ހެރެތެރެ ރިސޯޓްގައި ކަރަންޓީނު ކޮށްފައި ތިބި މީހުންގެ ތެރެއިން ފަސް މީހަކު ފިލާފައި ވަނިކޮށެވެ. ނަމަވެސް މި އެންމެން މިހާރުވަނީ ހޯދައި ހައްޔަރުކޮށްފަ އެވެ.

އޭނާ ވިދާޅުވީ ކަރަންޓީނު ފެސިލިޓީ އަކީ ޖަލެއް ނޫން ކަމަށާ އެއީ ދަނޑިމާރު އަޅައިގެން މީހުން ބަލަހައްޓާ ތަންތަނެއް ވެސް ނޫން ކަމަށެވެ.

ފައިރޫޒް ވިދާޅުވީ ކަރަންޓީން ފެސިލިޓީ ތަކަށް ގެންދެވޭ ފަރާތްތަަކަކީ އަމިއްލައަށް އެ ތަންތަނުގައި ތިބެން އެއްބަސް ވެގެން ދާ ފަރާތްތަކުގެ ޒިންމާއެއްވެސްވާ ކަމަށެވެ. އަދި ފަރުދީ ޒިންމާ އަދާ ކުރައްވަން ފައިރޫޝް އެދެފައިވެ އެވެ.

ފައިރޫޝް ވިދާޅުވީ އެހެން މީހުން ނުރައްކަލުގެ ތެރެއަށް ހުށަހަޅާ ފަރާތްތަކަށް އަޅަންޖެހޭ ފިޔަވަޅު ފުލުހުން އަޅާނެ ކަމަށެވެ.

ކޮވިޑް-19 އާ ގުޅިގެން އަޅާ ރައްކާތެރިކަމުގެ ފިޔަވަޅެއްގެ ގޮތުން މިހާތަނަށް ގިނަ ބަޔަކު ކަރަންޓީނު ކޮށްފައިވާއިރު މިއީ ކަރަންޓީން ފެސިލިޓީއަކުން ބަޔަކު ފިލި ފުރަތަމަ ފަހަރެވެ.