ކަރަންޓީނުން ފިލި މީހުންގެ ބަންދަށް 15 ދުވަސް

އައްޑޫ ސިޓީ ހެރެތެރެ ރިިސޯޓުގައި ކަރަންޓީނު ކޮށްފައި ތިއްބާ ފިލައިގެން ދިޔަ ފަސް މީހުންގެ ބަންދަށް 15 ދުވަސް ޖަހައިފި އެވެ.

ކަރަންޓީނު ކޮށްފައި ތިއްބާ އެ ފަސް މީހުން ފިލާފައިވަނީ އިއްޔެ އެވެ. އެ މީހުންގެ ތެރެއިން ތިން މީހަކު ރޭ ހައްޔަރު ކޮށްފައިވާއިރު ބާކީ ތިބި ދެ މީހުން ހައްޔަރު ކުރީ ރޭ ފަތިހު އެވެ.

ފުލުހުން މިއަދު ބުނީ، ހެރެތެރެ ރިސޯޓު ކަރަންޓީނު ފެސިލިޓީ އިން ރޭ ފިލައިގެން ދިޔުމުން ހައްޔަރު ކުރި ފަސް މީހުންގެ ބަންދާމެދު ގޮތް ނިންމުމަށް ހުޅުމީދޫ ކޯޓަށް ގެންދިއުމުން 15 ދުވަސް ޖަހާފައިވާ ކަމަށެވެ.

މިއީ މިފަދަ ގޮތަކަށް ކަރަންޓީނު ފެސިލީޓީއަކުން ބަޔަކު ފިލި ފުރަތަމަ ފަހަރެވެ.