ރާއްޖެ ހިމެނޭހެން ފަސް ގައުމަކަށް އިންޑިއާއިން އެހީ ފޯރުކޮށްދެނީ

ދުނިޔޭގެ އެކި ގައުމުތަކުގައި މިހާރު ހަލުވި ކަމާއިއެކު ފެތުރެމުންދާ ކޮވިޑް-19 އާ ގުޅިގެން ރާއްޖެ ހިމެނޭހެން ފަސް ގައުމަކަށް އިންޑިއާއިން އެހީ ފޯރުކޮށްދޭ ފަށައިފި އެވެ.

އިންޑިއާގެ އެހީގެ ތަކެތި މި ގައުމުތަކަށް ފޯރުކޮށްދެނީ އެ ގައުމުގެ މަނަވަރެއްގަ އެވެ. އިންޑިއާއިން އެހީ ދިން ގައުމުތަކުގެ ތެރޭގައި މޮރީޝިއަސް، މަޑަގަސްކާ، ކޮމޯރޯސް އަދި ސީޝެލްސް ހިމެނެއެވެ. މި ހުރިހާ ގައުމުތަކަށްވެސް އެހީ ފޯރުކޮށްދެނީ އެދިގެން ކަމަށް އިންޑިއާއިން ބުންޏެވެ.

އިންޑިއާއިން ރާއްޖެއަށް ވަނީ ތިން މަހަށް ބޭނުންވާ ޒަރޫތީ ބޭސްތައް ފޯރުކޮށްދީފައެވެ. އަދި ރާއްޖެއަށް 600 ޓަނުގެ ކާތަކެތި ފޯރުކޮށްދޭނެ ކަމަށް ވަނީ ބުނެފައެެވެ.

ކޮވިޑަށް ފަރުވާ ދިނުމަށް ބޭނުންކުރާ އެންޓި މެލޭރިއާ ބޭސް، ހައިޑްރޮކްސިކްލޮރޯކުއައިން މީގެ ކުރިން އިންޑިއާއިން ވަނީ ރާއްޖެ، ސީޝެލްސް އަދި މޮރީޝިއަސްއަށް ފޯރުކޯށްދީފައެވެ.