ލޮކްޑައުންއަށްފަހު އަމަލުކުރާނެ އުސޫލެއް އެކުލަވާލަނީ

ލޮކްޑައުންނުން ނަގާ ހާލަތުގައި، ބަލި ފަތުރިގެން ނުދާނޭގޮތަށް ދައުލަތުގެ އިދާރާތަކުގެ އިތުރުން ރައްޔިތުން އަމަލުކުރަންޖެހޭނެ އުސޫލެއް އެކުލަވާލަމުންދާކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނެފި އެވެ.

މިރޭ އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި އެންއީއޯސީގެ ތަރުޖަމާނު މުހައްމަދު މަބުރޫކު އަޒީޒް ވިދާޅުވީ ގިނަ މުއައްސަސާތަކެއް ގުޅިގެން އެ އުސޫލުގައި ހިމެނުމަށް އިސްކަންދޭންޖެހޭ ވަކިވަކި ދާއިރާތަކާއި ހަރަކާތްތައް ބަލަމުން އަންނަ ކަމަށާއި ސަމާލުކަންދޭންޖެހޭ ސްޓްރެޓީޖިކް އޭރިއާތަކަކީ ހަރަކާތްތައް ބަލަމުން ދާ ކަމަށެވެ.

މި ބައްދަލުވުމުގައި ޑރ. އަފްޒަލް ވިދާޅުވި ގޮތުގައި އެ އުސޫލުގައި ލޮކްޑައުނަށްފަހު ރައްޔިތުންގެ ދިރިއުޅުން ބަހައްޓަންޖެހޭނެ ގޮތްތައްވެސް ބަޔާންކޮށްފައި އޮންނާނެ ކަމަށެވެ.

ކޮވިޑް-19 ފެތުރުން ކޮންޓްރޯލް ކުރެވުނު ބައެއް ގައުމުތަކުން ލޮކްޑައުން އުވާލުމަށްފަހު އަމަލުކުރަންޖެހޭނެ އުސޫލުތައް ވަނީ އާއްމުކޮށްފަ އެވެ. އޭގެ ތެރޭގައި މީހުން ގިނަ ތަންތަނުގައި އުޅޭއިރު މާސްކު އެޅުމާއި، ދަތުރުފަތުރު ކުރުމާއި، ސްކޫލުތަކާއި އޮފީސްތައް އަލުން ހުޅުވުމުގައި ދުރާލައި އަޅަންޖެހޭ ރައްކާތެރިކަމުގެ ފިޔަވަޅުތައް ހިމަނާފައިވެ އެވެ.