ކޮވިޑު ޖެހިގެން ރާއްޖޭން ހަތަރު ވަނަ މީހަކު މަރުވެއްޖެ

ކޮވިޑް ޖެހިގެން ދަރުމަވަންތަ ހޮސްޕިޓަލްގައި ފަރުވާ ހޯދަމުން ގެންދިޔަ 88 އަހަރުގެ މީހާ މަރުވެއްޖެ އެވެ.

މައުލުމާތު ލިބިފައިވާގޮތުގައި ނިޔާވެފައިވަނީ ވިޔަފާރިޔާ މަރޮށީ ހުސައިން އަބްދުﷲ (އެމްއެޗްއޭ) އެވެ. ކޮވިޑް ޖެހިގެން ފުރަތަމަ ނިޔާވީ ހުސައިންގެ އަނބިކަނބަލުންނެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ކޮވިޑް ޖެހިގެން "ދަރުމަވަންތަ ހޮސްޕިޓަލްގައި ފަރުވާ ދެމުންދިޔަ 88 އަހަރުގެ މީހާ" މަރުވެފައިވާ ކަމަށެވެ. މިއީ ރާއްޖެއިން ކޮވިޑްގައި މަރުވި ހަތަރުވަނަ މީހާއެވެ.

ކޮވިޑް ޖެހިގެން މީގެ ކުރިން ނިޔާވީ ދެ ދިވެހިންނާއި ބިދޭސީއެކެވެ. ރާއްޖެއިން ކޮވިޑް ޖެހިގެން ފުރަތަމަ ނިޔާވީ 83 އަހަރުގެ ދިވެހި އަންހެނެކެވެ. އޭގެ ފަހުން ސިފައިންގޭގެ ގުދަނެއްގައި މަސައްކަތް ކުރަމުން އައި ބަންގްލަދޭޝް މީހެކެވެ. ތިން ވަނަ މީހާއަކީ ދަރުމަވަންތަ ހޮސްޕިޓަލްގައި ފަރުވާ ދެމުންދިޔަ 80 އަހަރުގެ ދިވެހި ފިރިހެނެކެވެ.