އިތުރު ދިހަ މީހަކު ކޮވިޑުން ރަނގަޅު ވެއްޖެ

ރާއްޖޭގައި ކޮވިޑް-19 ޖެހުނު މީހުންގެ ތެރެއިން އިތުރު 10 މީހަކު ރަނގަޅުއްޖެ އެވެ.

މިއާއެކު ރާއްޖޭގައި ކޮވިޑް-19 ޖެހިގެން ރަނގަޅުވި މީހުންގެ އަދަދު މިވަނީ 59 އަކަށް އަރާފަ އެވެ.

ހެލްތް ޕްރޮޓެކްޝަން އެޖަންސީ (އެޗްޕީއޭ) އިން ބުނީ ކޮވިޑް-19 ޖެހިފައިވާ މީހުންގެ ތެރެއިން އިތުރު އަށް 10 މީހަކު ރަނގަޅުވެފައިވާ ކަމަށެވެ. މިއަދު އިތުރު ތިން މީހަކުވެސް ވަނީ މި ބަލިން ރަނގަޅުވެފައެވެ.

ޖުމްލަ ކޮވިޑް-19 ޖެހިފައިވާ މީހުންގެ އަދަދު 1078 އަށް އަރާފައިވާއިރު މިއަދު ވަނީ 47 މީހަކު ޕޮޒިޓިވްވެފައެވެ.

އެޗްޕީއޭގެ އެޕިޑެމިއޮލޮޖިސްޓް ޑރ. އިބްްރާހީމް އަފްޒަލް ވިދާޅުވެފައި ވަނީ ވައިރަހުން މީހުން ރަނގަޅުވަމުން އަންނަ ރޭޓް ދަށް ކަމަށާއި އޭގެ ސަބަބު ދެނެގަތުމަށް މަސައްކަތް ކުރަމުން އަންނަ ކަމަށެވެ. މާލެއިން ކޮވިޑް-19 ފެނުނު ހިސާބުން ބަލި ޖެހުނު މީހުންގެ އަދަދު 1000 އިން މައްޗަށް އަރާފައިވާއިރު ރިކަވަރީ ރޭޓް މިހާރު ހުރީ 5.3 ގަ އެވެ.