ލުއިތަކެއް ދިނުމާއެކު، ލޮކްޑައުން އިތުރު ހަފްތާއަށް ދަންމާލައިފި

މާލެ ސަރަހައްދުގައި އިއުލާނު ކޮށްފައިވާ ލޮކްޑައުންގެ މުއްދަތު އިތުރު ހަފުތާއަކަށް ދަމާލާއި ލޮކްޑައުންގެ ހާލަތުގައި ލުއި ތަކެއް ދޭން ސަރުކާރުން ނިންމައިފި އެވެ.

ކޮވިޑް-19 އިގެ ބަލިމަޑުކަމާއި ގުޅިގެން މާލެ ސަރަހައްދުގައި އިއުލާނު ކޮށްފައިވާ ލޮކްޑައުންގެ މުއްދަތު އިތުރު ކޮށްފައިވާއިރު މިރޭ އެންއީއޯސީން ބޭއްވި ނޫސްވެރިންގެ ބައްދަލްވުމުގައި ބައިވެރިވެ ވަޑައިގެން ހެލްތް މިނިސްޓަރު އަބްދުﷲ އަމީން ވިދާޅުވީ ކޮވިޑްގެ ބަލިމަޑުކަމާއި ގުޅިގެން މިރެއިން ފެށިގެން ހާލަތު އާ މަރުހަލާއަށް ގޮސްފައިވާ ކަމަށެވެ.

އެގޮތުން މާދަމާއިން ފެށިގެން ގޭބީސީތަކުން ނިކުމެވޭ މީހުންގެ އަދަދު އިތުރުކޮށް، ބޭރުގައި އުޅެވޭ ވަގުތަކުތައް އިތުރު ކުރުމުގެ ފުރުސަތު ވެސް ދިނުމަށް ވަނީ ނިންމާފަ އެވެ. އަދި ބައެއް ކަހަލަ ވިޔަފާރިތަކަށް ފުރުސަތު ދިނުމަށް ވަނީ ނިންމާފަ އެވެ. މީގެ އިތުރުން މަސްމާރުކޭޓް ހުޅުވުމަށް ވެސް ވަނީ ނިންމާފަ އެވެ.

ލޮކްޑައުންއަށް ލުއި ދިނުމަށް ނިންމާފައިވާ ކަމަށާ އެ ހާލަތު ދެމިގެން ދާނީ ދެ ހަފުތާގެ މުއްދަތަށް ކަމަށް ބެލެވޭ ކަމަށް ވެސް މިނިސްޓަރު ވިދާޅުވިއެވެ. އެގޮތުން ގެއިން ބޭރަށް ނުކުމެ އުޅުމާއި، ދަތުރުފަތުރުކުރުމާއި ވިޔަފާރި ކުރުމަށް ލުއިތަކެއް ދޭން ވަނީ ނިންމާފަ އެވެ.

މީގެ އިތުރުން ނިކުމެ އުޅެވޭ ޒޯންތައް އިތުރުކުރުމާއި އޮންލައިން ވިޔަފާރީކޮށް، ޑެލިވަރީގެ ހިދުމަތް ދިނުމުގެ އިތުރުން ބޭންކުގެ ހިދުމަތް ދޭ ވަގުތުރު އިތުރު ކުރުން ހިމެނެއެވެ.

އަދި ވޯކްޝޮޕްތައް ހުޅުވާ، ރެސްޓްރަންޓް ކެފޭތަކަށް ޑެލިވަރީގެ ހުއްދަ ދިނުން އަދި ޓެކްސީއާއި ޕިކަޕުގެ ހިދުމަތް ދިނުމުގެ އިތުރުން ސިއްހީ ހިދުމަތްދޭ ތަންތަނުން އޮންލައިންކޮށް ހިދުމަތް ދިނުމުގެ ހުއްދަ ދިނުންވެސް ހިމެނެއެވެ.