ކޮވިޑަށް ޕޮޒިޓިވްވި އަދަދު 1500 ވުރެ މަައްޗަށް އަރައިފި

ރާއްޖޭން އިތުރު 56 މީހުން ކޮވިޑަށް ޕޮޒިޓިވްވެ ޖުމްލަ ޕޮޒިޓިވްވި އަދަދު 1500 ވުރެ މައްޗަށް އަރައިފި އެވެ.

މިއަދު ޕޮޒިޓިވްވި މީހުންނާއެކު ޖުމްލަ އަދަދު މިވަނީ 1513 އަރާފައެވެ. އެޗްޕީއޭއިން ބުނީ މިއަދު ޕޮޒިޓިވްވި މިހުންގެ ތެރޭގައި ހިމެނެނީ ހިމެނެނީ 18 ދިވެހިންނާއި 35 ބަންގްލަދޭޝް މީހުންނާއި އިންޑިއާގެ 3 މީހުންނެވެ.

މިހާތަނަށް ރާއްޖޭން ކޮވިޑް ޖެހުނު މީހުންގެ ތެރެއިން 242 މީހަކު ރަނގަޅުވެފައިވާއިރު މި ބަލީގައި 5 މީހަކު ވަނީ މަރުވެފަ އެވެ.

ކޮވިޑް-19 އާއި ގުޅިގެން މާލެ ސަރަހައްދުގައި އިއުލާންކޮށްފައިވާ ފުރަބަންދަށް ސަރުކާރުން ލުއިތަކެއް ދޭން ވަނީ ނިންމާފަ އެވެ. އެގޮތުން ކުރިއަށް އޮތް ދެ ހަފްތާއަށް ދޭން ނިންމާފައިވާ ލުއިތައް މިހާރު ވަނީ އިއުލާންކޮށްފައެވެ. ލުއިދޭން ނިންމި ކަމަށްވިއަސް ފުރަބަންދު ވަނީ އިތުރު 1 ހަފްތާއަށް ދަންމާލާފައެވެ.