ކޮވިޑާ ގުޅިގެން ކުޅުދުއްފުއްޓަށް ދިމާވަމުންދާ ދަތިތައް ނައިބު ރައީސް ބައްލަވައިފި

ކޮވިޑް-19 އާ ގުޅިގެން ކުޅުދުއްފުއްޓަށާއި، ހޮސްޕިޓަލަށް ދިމާވަމުންދާ ދަތިތަކާ ގޮންޖެހުންތައް ނައިބު ރައީސް ފައިސަލް ނަސީމް މިއަދު ބައްލަވައިފި އެވެ.

އޮންލައިންކޮށް މިއަދު ކުރިއަށް ގެންދިޔަ ބައްދަލުވުމުގައި ނައިބު ރައީސް ވަނީ، ކުޅުދުއްފުއްޓަށް ކުރިމަތިވަމުންދާ ގޮންޖެހުންތަކާއި އެކަންކަން ހައްލުކުރުމަށް އެޅެންހުރި ފިޔަވަޅުތަކާ ގުޅޭގޮތުން ރަށު ކައުންސިލް މެންބަރުންނާއި ހޮސްޕިޓަލުގެ އިސްވެރިންނާ ބައްދަލުކުރައްވައި މަޝްވަރާކުރައްވާފައެވެ.

ހޮސްޕިޓަލުގެ އިސްވެރިން ވަނީ ބައެއް މުހިއްމު މަޝްރޫއުތައް ހުއްޓިފައިވާތީ އެކަމާ ކަންބޮޑުވުން ފާޅުކުރައްވާފައެވެ. އަދި ހޮސްޕިޓަލުގެ ވެއިޓިން ކެޕޭސިޓީގެ ދަތިތަކާއި ޖާގައިގެ ދަތިކަން އެ ބޭފުޅުން ވަނީ ހިއްސާކުރައްވާފައެވެ.

އެ ބައްދަލުވުމުގައި ކުޅުދުއްފުށި ދެ ދާއިރާގެ މެންބަރުންވެސް ވަނީ ބައިވެފަ އެެވެ. ނައިބު ރައީސް ވަނީ މެންބަރުންގެ ހުރި ކަންބޮޑުވުންތައް ވެސް އޮޅުންފިލުއްވާފައެވެ.

ނައިބު ރައީސް ވަނީ ކުޅުދުއްފުށީގައި ހިންގަމުންދާ ބައެއް މަޝްރޫއުތަކުގެ ފަހުގެ މައުލޫމާތު އޮޅުން ފިލުއްވާ ރަށަށް ދިމާވެފައިވާ މައްސަލަތަކަށް އަވަސް ހައްލެއް ހޯއްދަވައިދެއްވުމަށް މެންބަރުންގެ ކިބައިން އެދިވަޑައިގެންފަ އެވެ.