އިތުރު 12 މީހަކު ކޮވިޑަށް ޕޮޒިޓިވް ވެއްޖެ

މިއަދުގެ އިތުރު 12 މީހުން ކޮވިޑަށް ޕޮޒިޓިވް ވެއްޖެ އެވެ. މިއަދު ޕޮޒިޓިވް ވެފައިވަނީ 11 ބަގްލަދޭޝް މީހުންނާއި ދިވެއްސެކެވެ.

ކޮވިޑްގެ ހާލަތާއި ގުޅޭ މައުލޫމާތު ދިނުމަށް މިރޭ އެ ސެންޓަރުން ބޭއްވި ނޫސްވެރިންގެ ބައްދަލްވުމުގައި ތަރުޖަމާން މަބުރޫކް އަޒީޒް ވިދާޅުވީ މިދިޔަ 24 ގަޑިއިރުގެ ތެރޭގައި 819 ސާމްޕަލެއްގެ ނަތީޖާ ލިބިފައިވާ ކަމަށެވެ. އޭގެ ތެރެއިން ޕޮޒިޓިވްވެފައި ވަނީ 12 މީހުންނެވެ. އެއީ 11 ދިވެހިންނާއި ބިދޭސީއެއް ކަމަށެވެ.

މަބުރޫކް ވިދާޅުވީ އޭގެ ތެރެއިން ހަތަރު ދިވެހިންނަކީ އެއްވެސް ކްލަސްޓާއަކާއި ގުޅުމެއް ނެތް މީހުން ކަމަށެވެ. އަނެއް އަށް މީހުންނަކީ ކުރީގެ ކްލަސްޓާތަކާއި ގުޅުން އޮތް މީހުންނެވެ.

މިއަދުވެސް 850 ސާމްޕަލް ނަގާފައިވާ ކަމަށާ އޭގެ ތެރެއިން 400 ސާމްޕަލްގެ ނަތީޖާ އަދި ލިބިފައިނުވާ ކަމަށް މަބުރޫކް ވިދާޅުވި އެވެ.

ކޮވިޑްގައި މިއަދުވެސް މީހަކު ވަނީ މަރުވެފަ އެވެ. ކޮވިޑް-19 ޖެހިގެން މިއަދު ހެނދުނު 6:20 ގައި މަރުވީ ހުޅުމާލޭ އައިސޮލޭޝަން ފެސިލިޓީގައި ހުރި 89 އަހަރުގެ ދިވެހި އަންހެނެކެވެ.