ދައުލަތަށް ހިލޭ އެހީ އާއި އާމްދަނީގެ ގޮތުގައި މިހާތަނަށް، ހަ ބިލިއަން ރުފިޔާ ލިބުނުއިރު ހަރަދުގެ ގޮތުގައި 10 ބިލިއަން ރުފިޔާ ހޭދަ ވެއްޖެ އެވެ.
މިނިސްޓްރީ އޮފް ފިނޭންސުން ނެރުނު މިދިޔަ ހަފުތާގެ މާލީ ހިސާބުތަކުގައި ވާގޮތުން މިދިޔަ މަހުގެ 28 ވަނަ ދުވަހުގެ ނިޔަލަށް ދައުލަތުގެ ބަޖެޓަށް އާމްދަނީގެ ގޮތުގައި ހަ ބިލިއަން ރުފިޔާ ލިބިފައި ވެއެވެ.
ކޮވިޑް-19 އާ ގުޅިގެން ޓޫރިޒަމް ހުއްޓި އާމްދަނީ ދަށްވުމުގެ ސަބަބުން އެންމެ ބޮޑު ހީނަރުކަމެއް ކުރިމަތިވަމުންދަނީ ޓެކުހުގެ އާމްދަނީ އަށެވެ. ޓެކުހުގެ ގޮތުގައި މި އަހަރު 17.8 ބިލިއަން ރުފިޔާ ލިބޭނެ ކަމަށް ބަޖެޓުކޮށްފައި އޮތްއިރު މިހާތަނަށް ލިބިފައިވަނީ ފަސް ބިލިއަން ރުފިޔާ އެވެ.
އަދި ޓެކްސް ނޫން ގޮތް ގޮތަށް މިހާތަނަށް އެއް ބިލިއަން ރުފިޔާ ލިބުނުއިރު، މިދިޔަ އަހަރު ދެ ބިލިއަން ލިބިފައިވެ އެވެ. އަދި ހިލޭ އެހީގެ ގޮތުގައި މިދިޔަ އަހަރު 461.2 މިލިއަން ރުފިޔާ ލިބުނުއިރު މި އަހަރު ލިބިފައިވަނީ 23 މިލިއަން ރުފިޔާ އެވެ.
މި އަހަރު ހިލޭ އެހީ އާއި އާމްދަނީގެ ގޮތުގައި ލިބޭނެ ކަމަށް އަންދާޒާކޮށްފައިވަނީ 30 ބިލިއަން ރުފިޔާ އެވެ. އަދި މިދިޔަ އަހަރުގެ މި މުއްދަތުގައި އާމްދަނީގެ ގޮތުގައި ލިބުނީ 10 ބިލިއަން ރުފިޔާ އެވެ.
ފިނޭންސްގެ މި ރިޕޯޓުގައިވާ ގޮތުން މި އަހަރުގެ މިހާތަނަށް 10 ބިލިއަން ރުފިޔާ ހަދަދު ވެއްޖެ އެވެ. އަދި މިދިޔަ އަހަރުގެ މި މުއްދަތުގައި ހަރަދުވީ 10.1 ބިލިއަން ރުފިޔާ އެވެ. އަދި މި އަހަރުގެ ބަޖެޓުގައި ހަރަދުގެ ގޮތުގައި ހޭދަވާނެ ކަމަށް ހިމަނާފައިވަނީ 35 ބިލިއަން ރުފިޔާ އެވެ.
މާލީ ރިޕޯޓުގައިވާ ގޮތުން ދައުލަތުގެ ކެޕިޓަލް ހަރަދުތައް ވަނީ އިތުރުވެފަ އެވެ. ކެޕިޓަލް ހަރަދުގެ ގޮތުގައި މިހާތަނަށް 2.6 ބިލިއަން ރުފިޔާ ހޭދަވެފައިވެ އެވެ. ނަމަވެސް މިދިޔަ އަހަރު ހޭދަކޮށްފައިވަނީ 2.4 ބިލިއަން ރުފިޔާ އެވެ. ކެޕިޓަލް ހަރަދުގެ ތެރޭގައި އެންމެ ބޮޑަށް އިތުރުވީ ބިންތަކާއި އިމާރާތް ތަކަށް ކުރި ހޭދަ އެވެ.
ކޮވިޑް-19 އާ ގުޅިގެން ދައުލަތުގެ ސިޔާސީ ވަޒީފާތަކާއި މިނިވަން މުވައްސަސާތަކުގެ މުސާރަ ކުޑަކޮށްފައިވާތީ ދައުލަތުގެ ރިކަރަންޓް ހަރަދުތައް ވަނީ ކުޑަކޮށް ދަށްވެފަ އެވެ. މި އަހަރުގެ މިހާތަނަށް ރިކަރަންޓް ހަރަދުގެ ގޮތުގައި 7.4 ބިލިއަން ރުފިޔާ ހޭދަކޮށްފައިވާއިރު، މިދިޔަ އަހަރު ހޭދަވެފައިވަނީ 7.6 ބިލިއަން ރުފިޔާ އެވެ. އަދި މި އަހަރު ހޭދަވާނެ ކަމަށް ބަޖެޓުގައި އަންދާޒާކޮށްފައިވަނީ 22 ބިލިއަން ރުފިޔާ އެވެ.
ކުޅުދުއްފުށީ ފެނަކަ ބްރާންޗް ހިންގުން އަލުން މަމްދޫހްއާ ހަވާލުކޮށްފި
އިންޖީނުގޭގައި ފަހުން ދިމާވި ދެ ހާދިސާއާ ގުޅިގެން ތިން މުވައްޒަފަކަށް ފިޔަވަޅު އަޅައިފި
ފަރޭގެ ކެމްޕެއިން އޮފީހުގައި ބަޔަކު ރޯކޮށްލައިފި
އީސީގެ މެމްބަރު ކަމަށް ހަސަން ޢައްޔަންކޮށްފި
