އިތުރު 5000 ޓެސްޓް ކިޓް ޑަބްލިއުއެޗްއޯއިން ހަދިޔާކޮށްފި

ވޯލްޑް ހެލްތު އޯގަނައިޒޭޝަން (ޑަބްލިއުއެޗްއޯ)ގެ ފަރާތުން އިތުރު 5000 ޓެސްޓްކިޓް ރާއްޖެއަށް ހަދިޔާކޮށްފި އެވެ.

މި ކިޓްތައް ހަދިޔާ ކޮށްފައި ވަނީ ދަރުބާރުގޭގަ އެވެ. ޓެސްޓް ކިޓް ތަކާއި ރާއްޖެއިން ހަވާލުވެ ވަޑައިގަތީ ހެލްތު މިނިސްޓަރު އަބްދުﷲ އަމީނެވެ. މިއަދު ހަދިޔާކުރި ޓެސްޓްކިޓު ތަކާއެކު 41،000 ކިޓު ޑަބްލިއުއެޗްއޯ އިން ހަދިޔާ ކޮށްފައިވާ ކަމަށް ހެލްތު މިނިސްޓްރީން މައުލޫމާތު ދިނެވެ.

ހެލްތު މިނިސްޓަރު ވަނީ ސިއްހަތު ޖަމިއްޔާއިން ރާއްޖެއަށް ކަނޑައަޅުއްވާފައިވާ މަންދޫބު ޑރ. އަރުވިންދު މާތުރު އާއި މިއަދު ބައްދަލުކުރައްވައި، އެޖަމިއްޔާގެ ފަރާތުން ލިބެމުންދާ އެހީތެރިކަމަށް ޝުކުރު އަދާކުރައްވާފަ އެވެ. އެ ޖަމިއްޔާއިން ބުނީ އަދި މި ބައްޔާ ދެކޮޅަށް ރާއްޖެއިން ކުރަމުންދާ މަސައްކަތްތަކުފަހުންވެސް އެހީ ލިބެމުންދާނެ ކަމަށެވެ.

ޑަބްލިއުއެޗްއޯ އިން ދަނީ ފަންނީ އެހީތެރިކަމުގެ އިތުރުން ރާއްޖޭގެ އެކިސަރަހައްދުތަކުގައި މިބައްޔަށް ޓެސްޓުކުރުމުގެ އިންތިޒާމްތައް ހަމަޖެއްސުމަށް އެކިކަހަލަ އާލާތްތައް ހޯދުމަށްވެސް އެހީވަމުންނެވެ.