ކޮންމެ ވަގުތަކުވެސް ވޯކް ވިސާއަށް އެދެވޭގޮތް ހަދައިފި

Jun 9, 2020

ކޮވިޑް-19 އާއި ގުޅިގެން ސަރުކާރު އޮފީސްތައް ބަންދު ކޮށްފައިވާއިރު މި މުއްދަތުގައި ވޯކް ވިސާ އަށް އެދި ކޮންމެ ވަގުތެއްގައިވެސް ހުށަހެޅޭނެ ގޮތް އިމިގްރޭޝަނުން ހަމަޖައްސައިފި އެވެ.

އިމިގްރޭޝަނުގެ ތަރުޖަމާނު ހަސަން ހަލީލް "އަވަސް" ނޫހަށް ދެއްވި އިންޓަވިއެއްގައި ވިދާޅުވީ މިހާރު ވިސާ ފީ ވެސް އޮންލައިންކޮށް ދެއްކޭނެ ކަމަށާއި އަދި އިއްޔެ އިން ފެށިގެން ކޮންމެ ދުވަހަކު ކޮންމެ ވަގުތެއްގައިވެސް ވޯކް ވިސާ އަށް އެދި ހުށަހެޅޭނެ ކަމަށެވެ.

ސައްވީސް ގަޑިއިރު ވިސާ އަށް އެދި ހުށަހެޅޭނެ ގޮތް ހަމަޖައްސާ އިމިގްރޭޝަނުން ބުނީ ލިޔެކިޔުންތައް ހުށަހެޅުމުން، ސަރުކާރު ހުޅުވުމަށް އޮންނަ މުއްދަތުގައި އިމިގްރޭޝަނުން އެ ލިޔެކިޔުންތަކުގެ ސައްހަކަށް ކަށަވަރުކުރުމަށް މަސައްކަތް ކުރާނެ ކަމަށެވެ.

އަދި އެޕޮއިންޓްމަންޓް ދޫކޮށް ވިސާ ދޫކުރަން ހަމަޖެހިފައިވަނީ އެޗްޕީއޭގެ ހުއްދަ ލިބުމުން ކަމަށާއި އަންނަ ހަފްތާ ހުއްދަ ލިބޭނެ ކަމަށް ލަފާ ކުރެވޭ ކަމަށެވެ. އަދި ހުއްދަ ލިބުމުން ވިސާ ދޫކުރުމުގެ ހިދުމަތް ދޭނީ އެޗްޕީއޭގެ މިންގަނޑުތައް ކަށަވަރުކޮށްގެން ކަމަށްވެސް ވިދާޅުވި އެވެ.

މީގެ އިތުރުން ދުވަސްވަރު ފޮޓޯ ނެދުމަށް ދަތިވާނެތީ، އާ ފޮޓޯ އެއް ހުށަހެޅުމުގެ ބަދަލުގައި ވިސާ ނަގަން އެންމެ ފަހުން ހުށަހެޅި ފޮޓޯ އަލުން ހުށަހެޅޭނެ ކަމަށް އޭނާ ވިދާޅުވި އެވެ.

އިތުރު ލިޔުންތައް

މޯލްޑިވްސް އިމިގްރޭޝަން

ކޮރޯނާ ވައިރަސް

މިލިޔުމާއި ގުޅޭ