ޗައިނާއިން އަނެއްކާވެސް ރާއްޖެއަށް ސިއްހީ ސާމާނު ހަދިޔާކޮށްފި

ޗައިނާ ސަރުކާރުން އަނެއްކާވެސް ރާއްޖެއަށް ގިނަ އަދަދެއްގެ ސިއްހީ ސާމާނު ހަދިޔާކޮށްފި އެވެ.

ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ވިދާޅުވީ މިއީ ޗައިނާއިން ރާއްޖެއަށް ހަދިޔާކުރި ސިއްހީ ސާމާނުގެ ތިން ވަނަ ބެޗު ކަމަށެވެ.

މި ފަހަރު ރާއްޖެއަށް ހަދިޔާކުރި ސިއްހީ ސާމާނުގެ ތެރޭގައި ހިމެނެނީ 50000 ސާޖިކަލް މާސްކް، 5000 މެޑިކަލް ޕްރޮޓެކްޓިވް ފޭސް މާސްކްގެ އިތުރުން 5000 ޑިސްޕޮސިބަލް ކަވަރޯލް އަދި 5000 މެޑިކަލް ގޮގްލްސް އެވެ.

Third batch of medical assistance from China arrived in Male to support Maldives.

1) 5,000 pcs medical protective face masks
2) 50,000 pcs surgical masks
3) 5,000 pcs disposable coverall
4) 5,000 pcs medical goggles

🇲🇻 🇨🇳 @abdulla_shahid@ibusolih @MohamedNasheed pic.twitter.com/RxwBitko3J

— Amb. Zhang Lizhong (@AmbassadorZhang) June 10, 2020

މިކަން ހާމަކޮށް ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ކުރެއްވި ޓުވިޓުގައި ވިދާޅުވީ މިތަކެތި މިހާރު ރާއްޖެ ގެނެވިފައިވާ ކަމަށެވެ.

ކޮވިޑް-19 އިން ރައްކާތެރިވުމަށް ބޭނުންވާ ސާމާނު މީގެ ކުރިންވެސް ދެފަހަރެއްގެ މަތިން ޗައިނާއިން ވަނީ ހަދިޔާކޮށްފަ އެވެ. އޭގެ ތެރޭގައި ޗައިނާ ސަރުކާރުގެ އެހީއާއި ޗައިނާއަށް ނިސްބަތްވާ އަމިއްލަ ކުންފުނިތަކާއި ވިޔަފާރިވެރިން ދިން އެހީވެސް ހިމެނެ އެވެ.