ކޮވިޑް ޖެހުނު މީހުން ތެރެއިން 1193 މީހަކު ރަނގަޅު ވެއްޖެ

ރާއްޖޭގައި ކޮވިޑް-19 ޖެހުނު މީހުންގެ ތެރެއިން 59.56 ޕަސެންޓް މީހުން ރަނގަޅު ވެއްޖެ އެވެ.

މިވަގުތު ކޮވިޑަށް ފަރުވާ ކުރަމުންދަނީ 800 މީހުންނެވެ. އޭގެ ތެރެއިން އަށް މީހަކަށް ފަރުވާ ދެމުންދަނީ ހޮސްޕިޓަލްގަ އެވެ.

މިހާތަނަށް ރާއްޖެއިން ކޮވިޑް ޖެހިފައިވަނީ 2003 މީހަކަށެވެ. އެޗްޕީއޭއިން ރޭ ބުނީ ކޮވިޑް ޖެހުނު މީހުންގެ ތެރެއިން 1193 މީހުން މުޅީން ރަނގަޅުވެފައިވާ ކަމަށެވެ. ބަލި ޖެހުނު މީހުންގެ ތެރެއިން އިއްޔެ 40 މީހުން ވަނީ ރަނގަޅުވެފަ އެވެ.

ރާއްޖެއިން ކޮވިޑްގެ ބަލި މީހަކު ފެނުނުތާ މިއަދަށް 97 ދުވަސްވެފައިވާއިރު ކޮވިޑްގައި މިހާތަނަށް އަށް މީހަކު ވަނީ މަރުވެފަ އެވެ.