ޖަލު އޮފިސަރެއް ކޮވިޑަށް ޕޮޒިޓިވް ވެއްޖެ

މާލެ ޖަލުގައި މަސައްކަތްކުރާ އީއެސްޖީ އޮފިސަރެއް ކޮވިޑް-19 އަށް ޕޮޒިޓިވްވެއްޖެ އެވެ.

މޯލްޑިވްސް ކަރެކްޝަނަލް ސާވިސްއިން ބުނީ ޖަލުގައި މަސައްކަތްކުރާ އީއެސްޖީ އޮފިސަރެއް ކޮވިޑް-19 އަށް ޕޮޒިޓިވްވެފައިވާކަން އެޗްޕީއޭއިން މިއަދު އަންގާފައިވާ ކަމަށެވެ.

އެޗްޕީއޭ އާ ގުޅިގެން ކޮންޓެކްޓް ޓްރޭސިން ހެދުމާއިއެކު އޮފިސަރުންނާއި ގައިދީން ކޮވިޑަށް ޓެސްޓު ކުރުމަށް ކުރަންޖެހޭ މަސައްކަތް ކުރަމުންދާ ކަމަށާއި އެކޭސްއާއި ގުޅިގެން އަޅަންޖެހޭ އިތުރު ފިޔަވަޅުތައް އަޅަމުންދާ ކަމަށްވެސް ވަނީ ބުނެފައެވެ.

މީގެ ކުރިން މާލެ ޖަލުގައި މަސައްކަތްކުރާ އޮފިސަރެއް ކޮވިޑް-19 އަށް ޕޮޒިޓިވްވެފައިވާއިރު ޖަލުތަކުގައި ކޮވިޑް ނެތްކަން ޔަގީން ކުރުމަށް އޮފިސަރުންނާއި ގައިދީންގެ ރެންޑަމް ސާމްޕަލް ތަކެއް ވަނީ ނަގާފައެވެ. އެ ހުރިހާ ސާމްޕަލްތައް ވަނީ ނެގެޓިވްވެފައެވެ.