ކައުންސިލްތަކުގެ އިންތިހާބު މާޗުގައި ބާއްވަން ތައްޔާރުވަނީ

ނަބީލާ އިސްމާޢީލް

Jun 22, 2020

ފަސްކޮށްފައިވާ ލޯކަލް ކައުންސިލްތަކުގެ އިންތިހާބާއި އަންހެނުން ތަރައްގީއަށް މަސައްކަތް ކުރާ ކޮމިޓީތަކުގެ އިންތިހާބު އަންނަ އަހަރުގެ މާޗު މަހު ބޭއްވޭތޯ ގާނޫނީ ކަންކަން ތަރުތީބު ކުރަމުން އަންނަ ކަމަށް އިލެކްޝަންސް ކޮމިޝަން (އީސީ) ގެ ރައީސް އަހްމަދު ޝަރީފް ވިދާޅުވެއްޖެ އެވެ.

ރޭ ޕީއެސްއެމްގެ "ރާއްޖެ މިއަދު" ޕްރޮޮގްރާމުގައި ވާހަކަދައްކަވަމުން ޝަރީފް ވިދާޅުވީ، އިންތިހާބު ބޭއްވުމާ ގުޅޭގޮތުން މިހާތަނަށް ކުރެވިފައި ވަނީ ނުރަސްމީ މަޝްވަރާތަކެއް ކަމަށާއި ނަމަވެސް އަންނަ އަހަރުގެ ރަމަޟާން މަހުގެ ކުރިން އިންތިހާބު ބާއްވަން ކޮމިޝަނުގެ މެމްބަރުންނަށް އިއްތިފާގުވެވިފައިވާ ކަމަށެވެ.

ކޮވިޑް-19 ގެ ބަލިމަޑުކަމުގެ ސަބަބުން މިދިޔަ އެޕްރީލް މަހު ހަތަރުވަނަ ދުވަހު ބޭއްވުމަށް ހަމަޖެހުނު ކައުންސިލްއިންތިހާބު ފަސްކޮށް މިހާރު ތިބި ކައުންސިލްތަކުގެ ދައުރު ވަނީ ގާނޫނު އަސާސީއަށް އިސްލާހު ގެނައުމަށްފަހު ދަންމާލާފަ އެވެ.

ޝަރީފް ވަނީ ޤާނޫނުގައި ލާޒިމްކުރާ މުއްދަތުގެ ތެރޭގައި އިންތިހާބު ބާއްވާނެ ތާރީހެއް ކަނޑައަޅާނެކަމަށް ވިދާޅުވެފައެވެ.

އިތުރު ލިޔުންތައް

ކޮރޯނާ ވައިރަސް

މިލިޔުމާއި ގުޅޭ