ކޮވިޑް ޖެހިގެން ރާއްޖެއިން ނުވަ ވަނަ މީހަކު މަރުވެއްޖެ

ރާއްޖޭގައި ކޮވިޑް-19 އަށް ފަރުވާ ހޯދަމުން ދިޔަ މީހަކު މިއަދު މަރުވެއްޖެ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

މަރުވެފައިވަނީ މި ބައްޔަށް ފަރުވާ ހޯދަމުން ދިޔަ އުމުރުން 43 އަހަރުގެ ފިލިޕީންސްގެ މީހެކެވެ. މިއީ މި ބަލި ޖެހިގެން ރާއްޖެއިން މަރުވި ނުވަ ވަނަ މީހާއެވެ.

Today at 01:50 pm, a 43-year-old Filipino male admitted at DH11 has passed away.

This is the 9th COVID-19 death in the Maldives.

Our thoughts and prayers are with the bereaved family.

— Health Protection Agency (@HPA_MV) June 30, 2020

އޭނާ މަރުވީ ދަރުމަވަންތަ ހޮސްޕިޓަލު (ޑީއެޗް11)ގައި ފަރުވާ ދެމުން ދަނިކޮށް މިއަދު 1:50 ގައެވެ.

ރާއްޖެއިން މިހާތަނަށް 2336 މީހަކަށް ކޮވިޑް ޖެހިފައިވެ އެވެ. 1927 މީހުން ވަނީ ބަލިން މުޅިން ރަނގަޅުވެފަ އެވެ. 9 މީހަކު ވަނީ މި ބަލީގައި ރާއްޖެއިން މަރުވެފަ އެވެ.