ކޮވިޑުން ރަނގަޅުވި މީހުންގެ އަދަދު 1969 އަށް އަރައިފި

ރާއްޖޭގައި ކޮވިޑް-19 ޖެހުނު މީހުންގެ ތެރެއިން އިތުރު 15 މީހަކު ރަނގަޅުވެ، ރާއްޖޭން މި ބަލިން ރަނގަޅުވި މީހުންގެ އަދަދު 1969 އަރައިފި އެވެ.

އެޗްޕީއޭއިން ބުނީ މިދިޔަ 24 ގަޑިއިރުގެ ތެރޭގައި ކޮވިޑުން ރަނގަޅުވި މީހުންގެ އަދަދަކީ 15 ކަމަށެވެ.

އެޗްޕީއޭއިން ބުނީ މިދިޔަ 24 ގަޑިއިރު 1386 ޓެސްޓެއް ކޮށްފައިވާ ކަމަށެވެ. އެތަނުން 18 ސާމްޕަލް ޕޮޒިޓިވްވެފައިވާއިރު އޭގެ ތެރޭގައި ހިމެނެނީ ބަގްލަދޭޝްގެ 11 މީހުންނާއި 7 ދިވެހިންނެވެ.

އެގޮތުން މި 18 މީހުންނާއިއެކު ރާއްޖޭން ޕޮޒިޓިވްވި އަދަދު މި ވަނީ 2400 އަރާފަ އެވެ.