ކޮވިޑް ޖެހިގެން 12 ވަނަ މީހަކު މަރުވެއްޖެ

ކޮވިޑް-19 ޖެހިގެން ފަރުވާދެމުން ދިޔަ ދިވެއްސަކު މަރުވެއްޖެ ކަމަށް ހެލްތް ޕްރޮތެކްޝަން އެޖެންސީ (އެޗްޕީއޭ) އިން ބުނެފި އެވެ. މިއީ މި ބަލީގައި ރާއްޖެއިން މަރުވި 12 ވަނަ މީހާއެވެ.

Today early morning at 04:35am, an 80 years old Maldivian male admitted at DH11 has passed away.

This is the 12th #COVID19 death in the Maldives.

Our thoughts and prayers are with the bereaved family. May Allah grant him soul eternal peace in heaven

— Health Protection Agency (@HPA_MV) July 6, 2020

އެޗްޕީއޭ އިން ބުނީ ބަލީގައި މަރުވެފައި ވަނީ 80 އަހަރުގެ ދިވެހި ފިރިހެނެއް ކަމަށެވެ.

އޭނާ މަރުވީ ކޮވިޑް-19 ބަލީގައި ހާލު ސީރިއަސްވެ، ދަރުމަވަންތަ އިމާރާތުގެ ޑީއެޗް-11 ގައި އެޑްމިޓްކޮށް ފަރުވާ ދެމުން ދަނިކޮށް މިއަދު ފަތިހު 04:35 ހާއިރުއެވެ.

މިހާތަނަށް ރާއްޖެއިން 2،468 މީހަކަށް ކޮވިޑް-19 ޖެހިފައެވެ. އޭގެ ތެރެއިން 2،049 މީހަކު ވަނީ މި ބަލިން ރަނގަޅުވެފަ އެވެ. މިހާރު ރާއްޖޭގައި އެކްޓިވް ކޭސްތަކުގެ ގޮތުގައި އުޅެނީ 403 ކޭހެކެވެ.