ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗު)ގެ ލެބޯޓްރީގެ ދެ މެޝިނެއް ޑައުންވެ، ގިނަ ޓެސްޓްތަކެއް ހެދުން މެދުކެނޑިއްޖެ އެވެ.
އެ ހޮސްޕިޓަލުން ބުނީ މައްސަލަ ދިމާވި ދެ މެޝިނަކީ ވިޓްރޯސް 5600 އާއި ވިޓްރޯސް 350 ކަމަށެވެ. މި ދެ މެޝިނަކީވެސް ބަޔޮކެމިސްްޓްރީގެ ޓެސްޓްތައް ހެދުމަށް ބޭނުންކުރާ ދެ މެޝިނެވެ. ބަޔޮކެމިސްޓްރީ ޓެސްޓްތަކަކީ އެންމެ އާންމުކޮށް ހޮސްޕިޓަލުތަކުގައި ހަދައި ޓެސްޓްތަކެވެ.
އޭގެ ތެރޭގައި ހަކުރު ބަލީގެ ޓެސްޓާއި ކޮލެސްޓްރޯލް ޓެސްޓް ހިމެނެ އެވެ. އަދި މީގެ އިތުރުން ލިވަރ، ކިޑްނީ އަދި ހިތުގެ ބަލިތައް ފަދަ ބަލިތައް ދެނެގަތުމަށް ހަދައި ޓެސްޓްތައްވެސް ހިމެނެ އެވެ. ދެ މެޝިންގައި މައްސަލަ ޖެހުމުން އެ ހިދުމަތްތައް ވަނީ މެދުކެނޑިފައި އެވެ.
Due to a technical issue caused to our lab machines Vitros 5600 & 350, some of the investigations relating to biochemistry are interrupted at the moment. We are working to resolve the issue & expect to resume the service within 2 days. We apologize for the inconvenience caused.
— Kulhudhuffushi Regional Hospital (@KRHmv) July 19, 2020
އެ ހޮސްޕިޓަލުން ބުނީ އެ މައްސަލަ ހައްލުކުރުމަށް މަސައްކަތްކުރަމުންދާ ކަމަށާއި ކުރިއަށްއޮތް ދެ ދުވަހުގެ ތެރޭގައި މައްސަލަ ހައްލުވާނެކަމަށް ބެލެވޭކަމަށެވެ.
ކޭއާރުއެޗަކީ އަތޮޅުތެރޭގެ އެންމެ ގިނަ ބަޔަކު ހިދުމަތް ހޯދަމުންދާ ހޮސްޕިޓަލެވެ.
