މިއަދު 77 މީހުން ކޮވިޑަށް ޕޮޒިޓިވް ވެއްޖެ

ކޮވިޑް-19 އަށް މިއަދު 77 މީހުން ޕޮޒިޓިވް ވެފައިވާ ކަމަށާއި މި އަދަދާއެކު ރާއްޖެއިން ބަލި ޖެހުނު މީހުންގެ ވަނީ 3،252 އަށް އަރާފައިވާ ކަމަށް އެޗްޕީއޭއިން ބުނެފި އެވެ.

މިއީ ލޮކްޑައުންގެ ހާލަތަށް ލުއި ދިން ފަހުން އެންމެ ގިނަ މީހުން ޕޮޒިޓިވްވީ ދުވަހެވެ.

އެޗްޕީއޭއިން ބުނީ މިދިޔަ 24 ގަޑިއިރުގެ ތެރޭގައި 77 މީހުން ކޮވިޑަށް ޕޮޒިޓިވްވެފައިވާ ކަމަށެވެ. އޭގެ ތެރޭގައި ގިނައީ ދިވެހިންނެވެ. 77 މީހުންގެ ތެރެއިން 56 މީހުންނަކީ ދިވެހިންނެވެ. ދެން ހިމެނެނީ ބަގްލަދޭޝްގެ 20 މީހުންނާއި އިންޑިޔާ މީހެކެވެ.

މިއަދު ބަލިން ރަނގަޅުވީ 36 މީހުންނެވެ. ރާއްޖެއިން ރަނގަޅުވީ މީހުންގެ އަދަދު ވަނީ 2،534 އަށް އަރާފައެވެ. މިވަގުތު ފަރުވާގައި ތިބީ 688 މީހުންނެވެ.