ކެލާއިން މީހަކު ޕޮޒިޓިވްވެއްޖެ

ނަބީލާ އިސްމާޢީލް

Jul 28, 2020

ހއ. ކެލާއިން ދިވެހި ފިރިހެނަކު ކޮވިޑް-19 އަށް ޕޮޒިޓިވްވެއްޖެ އެވެ.

ބައެއް އޮންލައިން މީޑިއާތަކަށް މައުލޫމާތު ދެއްވަމުން ކެލާ ކައުންސިލްގެ ނައިބު ރައީސް އާމިނަތު އިސްމާއިލް ވިދާޅުވީ އެމީހާ ވައިރަހަށް ޕޮޒިޓިވްވެފައިވާކަން އެނގުނީ ރޭގެ ވަގުތެއްގައި ކަމަށެވެ.

ބައްޔަށް ޕޮޒިޓިވްވެފައި ވަނީ، އެރަށާ މާލެއާ ދެމެދު ދަތުރުކުރާ މުދާ އުފުލާ ބޯޓެއްގައި މަސައްކަތް ކުރާ މީހެކެވެ. ބަލީގެ އަލާމާތްތައް ފެންނަން ފެށުމުން، ހެދި ފުރަތަމަ ޓެސްޓު ނެގެޓިވްވި ނަމަވެސް، ދެވަނައަށް ހެދި ޓެސްޓު ޕޮޒިޓިވްވެފައިވާ ކަމަށް ކައުންސިލުން ބުނެއެވެ.

އޭނާ ޕޮޒިޓިވްވުމުން އޭނާއާއި ދިމާވެފައިވާ މީހުން ދެނެގަތުމުގެ މަސައްކަތްކުރަމުން އަންނަކަމަށާއި، އެޗްޕީއޭގެ ލަފާއާއި އެއްގޮތަށް އަމަލުކުރަމުން އަންނަކަމަށް ކެލާ ކައުންސިލްގެ ނައިބު ރައީސާ ހަވާލާދީ މީޑިއާތައް ބުނެއެވެ.

ހއ.ކެލާއިން މީހަކު ކޮވިޑަށް ޕޮޒިޓިވްވެފައިވާއިރު އިއްޔެވަނި ރ.އިނގުރައިދޫ މީހަކުވެސް ކޮވިޑަށް ޕޮޒިޓިވްވެފައެވެ. އަދި ރިސޯޓެއް ހެދުމުގެ މަސައްކަތް ކުރަމުންދާ ބ.އަތޮޅު ފިނޮޅުގައި މަސައްކަތްކުރާ 4 ބިދޭސީއަކުވެސް އިއްޔެ ވަނީ ޕޮޒިޓިވްވެފައެވެ.

އިތުރު ލިޔުންތައް

ހއ ކެލާ

ކޮރޯނާ ވައިރަސް

މިލިޔުމާއި ގުޅޭ