ހުޅުމާލޭގައި ރޭ މަރުވި ޒުވާނާ ކޮވިޑަށް ޕޮޒިޓިވް

ރޭ ހުޅުމާލޭ ހޮސްޕިޓަލަށް ގެންދިއަރު މަރުވެފައި އޮތް 21 އަހަރުގެ ޒުވާނާ ކޮވިޑަށް ޕޮޒިޓިވް ވެފައިވާ ކަމަށް އެޗްޕީއޭއިން ބުނެފި އެވެ.

އެޗްއީއޯސީއިން ވެސް ފަހުންވަނީ އެ ކުއްޖާ ކޮވިޑަށް ޕޮޒިޓިވްކަން ކަށަވަރުކޮށްދީފަ އެވެ. ނަމަވެސް އެ ޒުވާނާގެ މަރަކީ ކޮވިޑްގެ މަރެއްގެ ގޮތުގައި ނުބަލާ ކަމަށް ވެސް އެޗްއީއޯސީއިން ބުންޏެވެ.

އުމުރުން 21 އަހަރުގެ ފާތުމަތު ޒަހާ އަހުމަދު ޝަކީލް، ހުޅުމާލޭ ހޮސްޕިޓަލަށް ގެންދިޔަ އިރުވެސް ވަނީ މަރުވެފައެވެ.

ފުލުހުން ބުނާ ގޮތުގައި އޭނާ ގެންދިޔަ އިރު ވެސް އޮތީ މަރުވެފަ އެވެ. އެކަމަކު އޭނާ ގެންދިޔައީ ގެއިން ކަމެއް ނުވަތަ އެހެން ތަނަކުން ކަމެއް ފުލުހުން ނުބުނެ އެވެ.

ފުލުހުން ދަނީ މި މައްސަލަ ތަހުގީގު ކުރަމުންދާއިރު ޒަހާގެ މަރާ ބެހޭ އިތުރު އެއްވެސް ތަފުސީލެއް ފުލުހުން އަދި ހާމައެއް ނުކުރެ އެވެ.