ކޮވިޑް ފެތުރިފައި ވޭތޯ ބެލުމަށް ކުޅުދުއްފުށީގައި ރޭންޑަމް ސާމްޕަލްތަކެއް ނަގަނީ

ކޮވިޑް ފެތުރިފައިވޭތޯ ބެލުމަށް މިއަދު ކުޅުދުއްފުށީގައި ރޭންޑަމް ސާމްޕަލްތަކެއް ނެގުމަށް ނިންމާފައިވާ ކަމަށް ކުޅުދުއްފުށީ ހޮސްޕިޓަލް (ކޭއާރުއެޗް) އިން ބުނެފި އެވެ.

އެ ހޮސްޕިޓަލުން ކުރި ޕޯސްޓެއްގައި ބުނެފައިވަނީ މިއަދު މެންދުރުފަހު 2 ން ހަވީރު 6 އަށް ރޭންޑަމް ސާމްޕަލް ނެގުމަށް ނިންމާފައިވާކަމަށާއި އެގޮތުން 86 ސާމްޕަލް ނަގާނެ ކަމަށެވެ. އަދި މިކަަމަށް ހުރިހާ ރައްޔިތުންގެ ފަރާތުން އެއްބާރުލުން ދިނުމަށް ވަނީ އެދިފައެވެ.

As a part of the next step in the safety of the community we will conduct a random COVID-19 surveillance testing today at Kulhudhuffushi City from 1400-1800 hours. We request the full cooperation and support of the public. Thank you. pic.twitter.com/lDtTOLzbS7

— Kulhudhuffushi Regional Hospital (@KRHmv) September 2, 2020

ކުޅުދުއްފުށީގައި ރޭންޑަމް ސާމްޕަލް ނެގުމަށް ނިންމާފައިވާއިރު މިދިޔަ ހަފްތާގައި ކުޅުދުއްފުށީ ހޮސްޕިޓަލުން އިތުރު ފަރުވާއަށް މާލެ ފޮނުވާލި އުމުރުން 7 އަހަރުގެ ކުއްޖަކު ވަނީ ކޮވިޑަށް ޕޮޒިޓިވްވެފައެވެ.

އެ ކޭސްއާއި ގުޅިގެން ކޮންޓެކްޓް ޓްރޭސިން ފާހަގަވި 60 މީހުންގެ ތެރެއިން ކްލޯޒް ކޮންޓެކުޓްގެ ގޮތުގައި ފާހަގަ ކުރެވުނު 24 ފަރާތެއްގެ ސާމްޕަލްވަނީ ނަގާފައެވެ. ނަމަވެސް މި އެންމެންނެ ނަތީޖާވެސް ނެގެޓިވްކަން ފާހަގަކޮށްލެއެވެ.