ކޭޕީއެލް ގެސްޓްހައުސްގައި ހުރި މީހަކު މަރުވެއްޖެ، ކޮވިޑަށް ޕޮޒިޓިވް

ކުޅުދުއްފުށީގައި ހުންނަ ކަރަންޓީން ފެސިލިޓީކަމަށްވާ ކޭޕީއެލް އައިސޮލޭޝަން ފެސިލިޓީގައި ފަރުވާދެމުންދިޔަ ހުރި މީހަކު ރޭ މަރުވެއްޖެ އެވެ.

މަރުވެފައިވަނީ ހއ ކެލާއިން ފަރުވާހޯދުމަށް ކުޅުދުއްފުއްޓަށް އައިސް ހުރި 58 އަހަރުގެ ފިރިހެނެކެވެ. އެމީހަކީ މާލެއިން ކެލާއަށް ދަތުރުކޮށް ހޯމް އައިސޮލޭޝަންގައި ހުރި މީހެކެވެ.

އެމީހާ ބަލިވެގެން ކުޅުދުއްފުއްޓަށް ގެނެސްފައިވަނީ އިއްޔެ އެވެ. އެމީހާ ކޭޕީއެލްގެ އައިސޮލޭޝަން ފެސިލިޓީގައި ހުރީ މާލެ ދަތުރުކޮށް ކަރަންޓީންގެ މުއްދަތު ހަމަނުވާތީ އެވެ.

އެނގިފައިވާގޮތުގައި އެމީހާއަކީ ދިގު މުއްދަތަކަށް ބޭސްކުރާ މީހެކެވެ. އެމީހާއަށް ފަރުވާ ދީފައިވަނީ ކޭޕީއެލް ގެސްޓްހައުސްގައި ބާއްވައިގެންނެވެ. އެމީހާގެ ކަށުކަމާކެމީގެ ކަންކަން މިއަދު ވަނީ ނިންމާފަ އެވެ. މިއީ ކޮވިޑް ޕޮޒިޓިވް ކޭޝްއެއް ކުޅުދުއްފުށީގައި ވަޅުލި ފުރަތަމަ ފަހަރެވެ.