ކޮވިޑް-19 ޖެހިގެން ހުޅުމާލޭ ކޮވިޑް މެޑިކަލް ފެސިލިޓީގައި ފަރުވާދެމުން ދިޔަ އުމުރުން ދުވަސްވީ އަންހެނަކު މިއަދު މަރުވެއްޖެ އެވެ.
ހެލްތް އެމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިއަދު ބުނި ގޮތުގައި ރޭ ފަތިހު 3:55 ގައި މަރުވެފައި ވަނީ ހުޅުމާލޭ މެޑިކަލް ފެސިލިޓީ އައިސީޔޫގައި ފަރުވާދެމުން ދިޔަ އުމުރުން 58 އަހަރުގެ ދިވެހި އަންހެނެކެވެ.
މިއީ ކޮވިޑް-19ގައި ރާއްޖެއިން މަރުވި 32 ވަނަ މީހާ އެވެ. މިދިޔަ ޖުލައި މަހުން ފެށިގެން ކޮވިޑް ޖެހިގެން އައިސީޔޫގައި 66 މީހަކަށް ފަރުވާދިން އިރު، ނުވަ މީހަކު ވަނީ ވަރަށް ބޮޑަށް ހާލު ބޮޑުވެ ވެންޓިލޭޓަރަށް ލައިފަ އެވެ.
އޭގެ ތެރެއިން ހަތަރު މީހަކު މަރުވި އިރު، ދެ މީހަކު ވަނީ ބަލިން ރަނގަޅުވެފަ އެވެ. އަދި ތިން މީހަކަށް އަދިވެސް އަންނަނީ، ފަރުވާދެމުންނެވެ.
ކޮވިޑް ޖެހިފައިވާ 1،966 މީހަކު މިހާރުވެސް ރާއްޖޭގައި ތިބި އިރު، އޭގެ ތެރެއިން 142 މީހަކަށް އަންނަނީ ހޮސްޕިޓަލްގައި ބާއްވައިގެން ފަރުވާދެމުންނެވެ.
އާތިފް: ކަނޑުގެ ހިމޭން ދިރުންތަކުގެ ގަދަ އަޑު!
ނޮޅިވަރަންފަރު ސްކޫލްގެ އެންމެ މޮޅު ދަރިވަރަކަށް އާޔާ
އދ. ގައި ނަތަންޔާހޫ ތަގުރީރު ފެށުމާއެކު، ރާއްޖެ އާއެކު ގިނަ ގައުމުތައް މާލަމުން ނުކުމެއްޖެ
ގައުމީ ގުރުއާން މުބާރާތުގެ އެއްވަނަ އިޒުއާން، އިނާން އަދި ޒީކްއަށް
