ކޮވިޑް ޖެހިގެން އިތުރު ދިވެއްސަކު މަރުވެއްޖެ

ކޮވިޑް-19 އަށް ފަރުވާ ހޯދަމުންދިޔަ އިތުރު ދިވެއްސަކު މަރުވެއްޖެ އެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ މިއަދު ނިޔާވެފައިވަނީ ދަރުމަވަންތަ ހޮސްޕިޓަލުގެ 11 ވަނަ ފަންގިފިލާގައި ފަރުވާދެމުންދިޔަ އުމުރުން 56 އަހަރުގެ ދިވެއްހި އަންހެނެއް ކަމަށެވެ.

Today at 02:20pm, a 56 yrs old Maldivian female admitted at DH11 has passed away.

This is the 35th #COVID19 death in the Maldives.

Our thoughts and prayers are with the bereaved family. May Allah grant her soul eternal peace in heaven.

— Health Protection Agency (@HPA_MV) October 11, 2020

އެ މީހާ ނިޔާވެފައިވަނީ މިއަދު މެންދުރު 2:20ގައި ކަމަށްވެސް އެޗްޕީއޭއިން ބުންޏެވެ. މިއީ ކޮވިޑް ޖެހިގެން ރާއްޖޭގައި މަރުވި 35 ވަނަ މީހާއެވެ.

މިހާތަނަށް ރާއްޖެއިން މި ބަލި ޖެހިގެން މަރުވެފައިވަނީ 28 ދިވެހިންނާއި 7 ބިދޭސީއެކެވެ.

ރާއްޖޭއިން މިހާތަނަށް 10859 މީހުންނަށް މި ބަލި ޖެހިފައިވާއިރު މި ވަގުތު ބައްޔަށް ފަރުވާ ހޯދަމުންދަނީ 1135 މީހުންނެވެ. އޭގެ ތެރެއިން 74 މީހުންނަށް ފަރުވާދެމުންދަނީ ހޮސްޕިޓަލުގައި އެޑްމިޓްކޮށްގެނެވެ.