ކަޑިންމަ ރިސޯޓުން 17 މީހަކު ޕޮޒިޓިވްވެއްޖެ

ދ. އަތޮޅު ކަޑިންމަ މޯލްޑިވްސް ރިސޯޓުން 17 މީހަކު ކޮވިޑް-19އަށް ޕޮޒިޓިވްވެއްޖެ އެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން މިއަދު ބުނީ، އެ ރިސޯޓުން ނެގި 20 ރެންޑަމް ސާމްޕަލްގެ ތެރެއިން 17 ސާޕްޕަލް އެއް ކޮވިޑަށް ޕޮޒިޓިވްވެފައިވާ ކަމަށެވެ.

އެރިސޯޓުގައި ތިބި ޕޮޒިޓިވް މީހުންގެ ތެެރެއިން ހައި ރިސްކް މީހުން ފެސިލިޓީއަކަށް ގެންދިއުމުގެ މަސައްކަތް ކުރަމުންދާ ކަމަށް އެޗްޕީއޭން ބުނެއެވެ. އަދި ކޮންޓްރެކްޓް ޓްރޭސިންގއާއި އިތުރު ސާމްޕަލް ނެގުމުގައި ދ.އަތޮޅު ހޮސްޕިޓަލްގެ ޓީމެއް އެރަށުގައި ދަނީ ހަރަކާތްތެރިވަމުންނެވެ.

އެ ރިސޯޓުން ސާމްޕަލް ނަގަން ފެށީ މިދިޔަ ހުކުރުު ދުވަހު އެ ރިސޯޓުން ޕޮޒިޓިވް ކޭސްއެއް ފެނުމާ ގުޅިގެންނެވެ. އެއީ ކޮވިޑް19 ޖެހިފައިވާ މީހަކު ހާލު ދެރަވެގެން ދ. އަތޮޅު ހޮސްޕިޓަލުގައި ފަރުވާ ދެމުންދަނިކޮށް މިދިޔަ ހުކުރު ދުވަހު މަރުވުމާ ގުޅިގެންނެވެ. އެމިހާއަކީ ކޮވިޑް ބަލި މީހެއްކަން އެނގުނީ އޭނާ މަރުވި ފަހުން އިއްޔެ އެވެ. އެއާއެކު އިއްޔެ ހަވީރުން ފެށިގެން ރިސޯޓަށް މީހުން އަރާ ފޭބުން އޮތީ މަނާކޮށްފަ އެވެ.

އިއްޔެ ރާއްޖެއިން ކޮވިޑަށް ޕޮޒިޓިވްވީީ 16 މީހެކެވެ. އެއާއެކު ރާއްޖެއިން ކޮވިޑަށް ޕޮޒިޓިވްވި ޖުމްލަ މީހުންގެ އަދަދަކީ، 11،659 އެވެ. މިހާތަނަށް 38 މީހަކު ބަލީގައި މަރުވި އިރު، 10،814 މީހަކު ވަނީ ބަލިން ރަނގަޅުވެފަ އެވެ.