ކޮވިޑުގައި އިތުރު މީހަކު މަރުވެއްޖެ، ރާއްޖޭން މަރުވި މީހުންގެ އަދަދު 42 އަށް

ކޮވިޑް ޖެހިގެން ފަރުވާހޯދަމުން ދިޔަ އުމުުރުން 57 އަހަރުގެ މީހަކު މިއަދު މަރުވެއްޖެ އެވެ. މީއީ މި ބަލީގައި ރާއްޖޭން މަރުވި 42 ވަނަ މީހާއެވެ.

ލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ކޮވިޑް-19 ގައި މިއަދު މަރުވީ ހުޅުމާލޭ މެޑިކަލް ފެސިލިޓީގައި ފަރުވާ ހޯދަމުންދިޔަ ދިވެހި ފިރިހެނެއް ކަމަށެވެ.

އެންމެ ފަހުން ރާއްޖެއިން ކޮވިޑް ޖެހިގެން މީހަކު މަރުވީ މި މަހުގެ 10 ވަނަ ދުވަހުއެވެ. އެއީ އުމުރުން 45 އަހަރުގެ ދިވެހި އަންހެނެކެވެ.

މިހާތަނަށް ރާއްޖޭން ކޮވިޑް-19 އަށް ޖުމްލަ 12،112 މީހަކު ވަނީ ޕޮޒިޓިވްވެފަ އެވެ. އޭގެ ތެރެއިން 11،244 މީހަކު ވަނީ ބަލިން ރަނގަޅުވެފަ އެވެ.