ވަކި މުއްދަތެއް ނެތް ގޮތަށް އުތީމް ކައުންސިލްގެ ރައީސް ސަސްޕެންޑްކޮށްފި

ހއ. އުތީމު ކައުންސިލްގެ ރައީސް އަބްދުﷲ ރަޝީދު ވަކި މުއްދަތެއް ނެތް ގޮތަށް ސަސްޕެންޑުކޮށްފި އެވެ.

ލޯކަލް ގަވަމަންޓް އޮތޯރިޓީން އުތީމް ކައުންސިލްގެ ރައީސް ވަކި މުއްދަތެއް ނެތް ގޮތަށް ސަސްޕެޑުކޮށްފައިވަނީ އެ އޮތޯރިޓީން ބަލަމުންދާ މައްސަލައަކާއި ގުޅިގެންނެވެ.

އެ އޮތޯރިޓީން އުތީމު ކައުންސިލްގެ ރައީސް އަބްދުﷲ ރަޝީދަށް ފޮނުވި ސިޓީގައި ބުނީ އެ އޮތޯރިޓީ އަށް ހުށަހަޅާފައިވާ މައްސަލަތަކަކަަކާ ގުޅިގެން މި މަހު 8 ގައި ބޭއްވި ބައްދަލުވުމެއްގައި އެ މައްސަލަތައް ބަަލަން ނިންމާފައިވާ ކަމަށެވެ. އަދި މައްސަލަ ބަލައި ނިމެންދެން އޭނާ ސަސްޕެންޑުކުރުމަށް ނިންމާފައިވާ ކަމަށް ވެސް ބުނެފައި ވެއެވެ.

އަބްދުﷲ ރަޝީދާ ގުޅޭ 11 މައްސަލައެއް އެ އޮތޯރިޓީއަށް އަށް ހުށަހަޅާފައިވާކަމަށް އެލްޖީއޭއިން ބުންޏެވެ.

އެ މައްސަލަތަކުގެ ތެރޭގައި ހިމެނެނީ

މި މައްސަލަތަކާ ގުޅިގެން ޖަވާބުދާރީވާން އަބްދުﷲ ރަޝީދަށް މި މަހު 24 ވަނަ ދުވަހުގެ މެންދުރު 2:00ގެ ނިޔަލަށް އެލްޖީއޭއިން ވަނީ ވަގުތު ދީފަ އެވެ.

އުތީމް ކައުސިލްގެ ރައީސް އަބްދުﷲ ރަޝީދަކީ ޕީޕީއެމަށް ނިސްބަތްވާ ފަރާތެކެވެ. މުއްދަތެއް ނެތް ގޮތަށް އޭނާ ސަސްޕެންޑު ކުރިއިރު ކުރިއަށް އޮތް ލޯކަލް ކައުންސިލް އިންތިހާބުގައި ވެސް އުތީމު ކައުންސިލްގެ ރައީސްކަމަށް އޭނާ ވަނީ ކުރިމަތިލާފަ އެވެ.