ހައްޖުވެރިންނަށް ހާއްސަ ސްމާޓްކާޑާއި ޕޯޓަލްއެއް ސައުދީން ތައާރަފްކޮށްފި

ހައްޖާޖީންގެ މައުލޫމާތު ބެލެހެއްޓުމަށާއި އިންތިޒާމްތައް ހަމަޖައްސަން ފަސޭހައަށް ސައުދީ އަރަބިއްޔާ ސަރުކާރުން ހާއްސަ ޕޯޓަލަކާއި ސްމާޓްކާޑެއް ތައާރަފްކޮށްފި އެވެ.

މިދިޔަ އަހަރު 50،000 ކާޑު ދޫކޮށްގެން އަޖުމަ ބަލާފައިވާ ޕޯޓަލާއި ސްމާޓް ކާޑު ރަސްމީކޮށް ބޭނުންކުރަން ފަށާނީ އަންނަ އަހަރުގެ ހައްޖު މޫސުމުގަ އެވެ.

ސައުދީ ނޫސްތަކުން ބުނީ އެ ގައުމުގެ މިނިސްޓްރީ އޮފް ހައްޖް އެންޑް އުމްރާ އިން ތައާރަފްކުރި ޕޯޓަލް އާއި ސްމާޓްކާޑުގެ ބޭނުމަކީ ހައްޖާޖީންގެ ކަންތައްތައް ހަމަޖެއްސުމަށް އެ ގައުމުގެ އެކި އިދާރާތަކުން ކުރާ މަސައްކަތްތައް އެއް ޕްލެޓްފޯމަކަށް ގެނައުން ކަމަށެވެ.

އެގޮތުން ކޮންމެ ހައްޖުވެރިއަކަށް ދޫކުރާ އެ ކާޑުގައި އެ މީހުންގެ ހުރިހާ ވަނަވަރެއް ރައްކާކޮށްފައި ހުންނާނެ އެވެ. އޭގެ ތެރޭގައި ސިއްހީ މައުލޫމާތުތަކާއި ތިބޭ ތަންތަނުގެ މައުލޫމަތު ހުންނާނެ އެވެ. އެގޮތުން ކޮންމެ ހައްޖުވެރިއަކަށް ދޫކުރާ އެ ކާޑުގައި އެ މީހުންގެ ހުރިހާ ވަނަވަރެއް ރައްކާކޮށްފައި ހުންނާނެ އެވެ. އޭގެ ތެރޭގައި ސިއްހީ މައުލޫމާތުތަކާއި ތިބޭ ތަންތަނުގެ މައުލޫމަތު ހުންނާނެ އެވެ.

ހައްޖުވެރިންނަށް ޕޯޓަލަކާއި ސްމާޓްކާޑެއް ތައާރަފްކުރުމުގެ ވިސްނުމަކީ ސައުދީ ނޫސްތަކުން ބުނިގޮތުގައި މިއަހަރުގެ ކުރީކޮޅު މައްކާގައި ބޭއްވި ކަލްޗަރަލް ފޯރަމްގެ ތެރެއިން އައި ވިސްނުމެކެވެ.