ސައްހަ ލިއުންނެތި އުޅޭ 9000 ވުރެ ގިނަ ބިދޭސިން އަނބުރާ ގައުމަށް ގޮސްފައިވޭ
ސައްހަ ލިޔެކިއުން ނެތި ރާއްޖޭގައި އުޅެމުންދާ ބިދޭސީންގެ ތެރެއިން މޯލްޑިވިއަންއިން ބާއްވާ ރެޕަޓްރިއޭޝަން ދަތުރުތަކުގައި މިހާތަނަށް 9633 މީހުން އަނބުރާ ބަންގްލަދޭޝްއަށް ގޮސްފައިވާކަމަށް މޯލްޑިވިއަނުން ބުނެފިއެވެ.
އެނބުރި ގައުމަށް ދާން ބޭނުން މީހުން ގޮވައިގެން މޯލްޑިިވިއަންގެ 50 ވަނަ ފްލައިޓު ބަންގްލަދޭޝްގެ ޑާކާ މިއަދު ގޮސްފައިވާއިރު އެ ފްލައިޓުންވެސް 200 މީހަކު ވަނީ އަނބުރާ ގައުމަށް ގޮސްފައެވެ.
Our 50th #repatriation flight with 200 Bangladeshi nationals has left to Dhaka from @VelanaAirport.
— Maldivian (@MaldivianAero) December 31, 2020
As of today, #Maldivian has flown a total of 9633 Bangladeshi passengers on these repatriation flights.#NationalAirline pic.twitter.com/S0J4yU14xv
މޯލްޑިވިއަންގެ ފްލައިޓުގެ އިތުރުން ދިވެހި ސަރުކާރުން ޗާޓަރުކުރި ބިމާން ބަންގްލަދޭޝް އެއާވޭސްގެ ފްލައިޓެއްގައްޔާއި ބަންގްލަދޭޝް އަސްކަރިއްޔާގެ ފްލައިޓެއްގައި ވެސް ދެ ފަހަރެއްގެ މަތިން އެ ގައުމުގެ ރައްޔިތުން ފުރުވާލައިފައިވެ އެވެ.
ބިދޭސިން އަނބުރާ ފޮނުވާލާއިރު އެމީހުންގެ ޕޮލިސް ރިޕޯޓު ބަލާ ކަމަށާއި އެމީހުން ފޮނުވާލަނީ ހައިކޮމިޝަނުން ހޯދަން ޖެހޭ ލިޔުންތައް ވެސް ހޯދުމަށް ފަހު ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވަނީ މީގެކުރިން ވިދާޅުވެފަ އެވެ.
ރާއްޖޭގައި ގަވާއިދާ ހިލާފަށް އުޅޭ ބަންގްލަދޭޝް މީހުން އަނބުރާ ގައުމަށް ފޮނުވާލަނީ ބަންގްލަދޭޝް ސަރުކާރާ ގުޅިގެންނެވެ.
