މިއަދު މުޅި ރާއްޖެއިން 7،818 މީހުން ކޮވިޑް ވެކްސިން ޖަހައިފި އެވެ. މިމަހު އެއްވަނަ ދުވަހު ރާއްޖޭގައި ކޮވިށް ވެކްސިން ޖަހަން ފަށާފައިވާއިރު މިހާތަނަށް ވެކްސިން ޖެހި މީހުންގެ އަދަދަކީ 64،048 އެވެ.
އެޗްޕީއޭ އިން މިރޭ އަންމުކުރި ކޮވިޑް ވެކްސިން ހިސާބުތައް ދައްކާގޮތުން މިއަދު ވެކްސިން ޖެހި މީހުންގެ ތެރެއިން 5،998 މީހުންނަކީ މާލެ ސަރަހައްދުން ވެކްސިން ޖެހި މީހުންނެވެ. އަތޮޅުތަކުން ވެކްސިން ޖަހާފައިވަނީ 1،829 މީހުންނެވެ.
މާލެ ސަރަހައްދުން މިހާތަނަށް 49،800އަށްވުރެ ގިނަ މީހުން ވަނީ ވެކްސިން ޖަހާފައިވައިރު އަތޮޅު ތެރެއިން 14،00އަށްވުރެ ގިނަ މީހުން ވަނީ ވެކްސިން ޖަހާފަ އެވެ.
ރާއްޖޭގައި މިހާރު ޖަހަމުން އަންނަނީ އިންޑިއާއިން ހަދިޔާ ކުރި އޮކްސްފޯޑް-އެސްޓްރާޒެކެނާ ކޮވިޝީލްޑް ވެކްސިނެވެ. މި ވެކްސިންގެ ދެވަނަ ޑޯޒް ދޭނީ ފުރަތަމަ ޑޯޒް ޖަހާތާ އަށް ހަފްތާ ފަހުންނެވެ.
ޑީވޯޓަރިންނާއި ފަޔަރ ހައިޑްރަންޓް ގާއިމުކޮށް ކުޅުދުއްފުށީ މަގުތަކުގައި ތާރު އަޅަން ފަށައިފި
އަފީފުއްދީން ސްކޫލުގެ ކެޑޭޓުން ހުވާކޮށް ހަތިޔާރު ހަވާލުކޮށްފި
ކުޅުދުއްފުށީގައި ނަރުދަމާއަށް ނަގަމުންދިޔަ ފިކްސްޑް ޗާޖް ކަނޑާލައިފި
އަނދިރި ސަރަހައްދުތަކާއި މަގުތަކުގައި ބައްތި ޖަހަން ހަވާލުކޮށްފި
