އުމުރުން 30 އަހަރުން މަތީގެ އެންމެންނަށް މިއަދުން ފެށިގެން ކޮވިޑް19 ވެކްސިން ލިބޭނެ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެޗްޕީއޭ އިން މިއަދު ބުނީ އުމުރުން 30 އަހަރު ފުރިފައިވާ ކޮންމެ މީހަކަށް ވެސް މިއަދުން ފެށިގެން ވެކްސިން ޖެހޭނެ ކަމަށެވެ.
މީގެ އިތުރުން 18 އަހަރާއި 30 އަހަރާ ދެމެދު އުމުރުފުރައިގެ މީހުންގެ ތެރެއިން ދިގު މުއްދަތަށް ބޭސްފަރުވާ ކުރާ މީހުންނަށް ވެކްސިން ދިނުން ވެސް ކުރިއަށް ދާނެކަމަށް ވެސް އެޗްޕީއޭއިން މައުލޫމާތު ދެއެވެ.
އިއްޔެއާ ހަމައަށް ރާއްޖެއިން 70،009 މީހަކު ވަނީ ކޮވިޑް19ގެ ވެކްސިން ޖަހައިފަ އެވެ. ވެކްސިން ޖެހި މީހުންގެ ތެރޭގައި ހިމެނެނީ މާލެ ސަރަހައްދުން ވެކްސިން ޖެހި 53،669 މީހުންނާއި އަތޮޅުތަކުން ވެކްސިން ޖެހި 16،340 މީހުންނެވެ.
ރާއްޖޭގައި މިހާރު ޖަހަމުން އަންނަނީ އިންޑިއާއިން ހަދިޔާ ކުރި އޮކްސްފޯޑް-އެސްޓްރާޒެކެނާ ކޮވިޝީލްޑެވެ.
އޮޅުނީއެއް ނޫން، ބޭނުންވީ ކޮރަލްސްގެ އަގުވަޒަން ކުރަން: މެންބަރު މުހައްމަދު
މަގުބޫލުކަން ހޯދި 'ފަންމާލި' ގައި ބައިވެރިވުމަށް ހުޅުވާލައިފި
މިދައުރު ސިންތެޓިކް ޓްރެކާއި ސްޕޯޓްސް ކޮމްޕްލްކްސް ގާއިމުކުރެވޭނެ
ފަރިއުތުރު ކޮރަލްސް މަސްރޭހުން އެއްވަނަ 'ވަރަށް ތާޒާ' އަށް
