"ބްލެޓް ޓްރެއިން" ގައި ހިމެނޭ ސޭންޑްރާއާއި ބްރެޑްގެ މަންޒަރުތައް ނަގަނީ

ސޭންޑްރާ ބްލޮކް އަދި ބްރެޑް ޕިޓް އެކުގައި ފެނިގެން ދާނެ ފުރަތަމަ ފިލްމު "ބްލެޓް ޓްރެއިން"ގެ ޝޫޓިން ފަށައިފި އެވެ.

އެކްޝަން މަންޒަރުތަކެއް ފެނިގެންދާ މި ފިލްމުގައި ޝޫޓިން ލޮސް އެންޖެލެސްގައި ކުރިއަށް ދާއިރު ފުރަަތަމަވެސް ނަގާފައިވަނީ ކާރ ކްރޭޝިން މަންޒަރުތަކެކެވެ.

ޑޭވިޑް ލީޗް ޑައިރެކްޓްކުރާ މި ފިލްމުގައި ބްރެޑް ފެނިގެންދާނީ އެމެރިކަން އެސޭސަނެއްގެ ރޯލުންނެވެ. ސޭންޑްރާގެ ކުރޭ ރޯލު މިހާތަނަށް އަދި ހާމަކޮށްފައި ނުވާއިރު މި ފިލްމަކީ ޖަޕާނީސް ލިއުންތެރިޔާ ކޮޓާރޯ އިސަކާގެ ފޮތެއްކަމަށްވާ "މަރިއާ ބީޓްލް" ގެ މައްޗަށް އުފައްދާ ފިލްމެކެވެ.

މި ފިލްމުން ދެން އެންމެ މުހިއްމު ރޯލެއް ކުޅެނީ ކިސިން ބޫތްގެ ތަރި ޖޯއި ކިންގް އެވެ. ޖޯއީގެ ކެރެކްޓާ މަސައްކަތް ކުރާނީ ބްރެޑްގެ ކެރެކްޓާ މަރާލުމަށެވެ.

ފިލްމު ބިނާ ވެފައިވަނީ އެސޭސަނުންތަކާކައި ހިޓްމެންއަކާ ދެމެދު ޓޯކިޔޯގެ ހައި ސްޕީޓް ޓްރެއިނެއްގައި ހިނގާ ހާދިސާތަކެއްގެ މައްޗަށެވެ.