ބާރަށުން އިތުރުން ތިން މީހަކު ކޮވިޑަށް ޕޮޒިޓިވްވެ އަދަދު 36 އަކަށް
ހއ ބާރަށުން އިތުރު ތިން މީހަކު ކޮވިޑް-19 އަށް ޕޮޒިޓިވްވެ، ޖުމްލަ އެރަށުން ޕޮޒިޓިވްވި މީހުންގެ އަދަދު 36 އަކަށް އަރައިފި އެވެ.
އެރަށުން ރޭގައި ޕޮޒިޓިވްވެފައިވަނީ އެރަށު ބޭސް ފިހާރާގައި މަސައްކަތް ކުރާ ފާމަސިސްޓްގެ ތިން ކޮންޓެކްޓެކެވެ. އޭނާ ޕޮޒިޓިވްވިކަން އެނގުނީ އަލާމާތް ހުރެގެން ޓެސްޓް ހެދުމުންނެވެ.
އެހެންވެ އޭނާގެ ކޮންޓެކްޓުންގެ ގޮތުގައި 6 މީހަކު ފާހަގަކޮށް މިއަދު ޓެސްޓް ހެދި އެވެ. އަދި މީގެ އިތުރުން 53 ރޭންޑަމް ސާމްޕަލްވެސް ޓެސްޓް ކުރި އެވެ.
މިހާތަނަށް އެރަށުން ނެގި ރޭންޑަމް ސާމްޕަލްތަކުގެ އަދަދު ވަނީ 291 އަރާފަ އެވެ.
ބާރަށުން އެންމެ ފުރަތަމަ ޕޮޒިޓިވްވީ ހޯމް ކަރަންޓީނު ފުރިހަމަ ކުރި ނުވަ މީހެކެވެ. ނަމަވެސް އެމީހުންނާ ރަށުގެ ބައެއް މީހުންނާ ވަނީ ކޮންޓެކްޓުވުމާއި ގުޅިގެން ހަތަރު މީހަކު މި މަހުގެ ދެވަނަ ދުވަހު ވަނީ ޕޮޒިޓިވްވެފަ އެވެ.
