ކެލާ ތުނޑީގައި 100 ކޮޓަރީގެ ޓޫރިސްޓް ހޮޓަލެއް ތަރައްގީކުރުމަށް ފެޑޯއާ ހަވާލުކޮށްފި

ހއ ކެލާ ތުނޑީގައި ޓޫރިސްޓު ކޮޓަރިތަކެއް އަޅައި އެ ސަރަހައްދު ތަރައްގީކުރަން ފެޑޯ ކުންފުންޏާ މިއަދު ހަވާލު ކޮށްފި އެވެ.

އެގޮތުން މޫދާއި ގޮނޑުދޮށް ރީތި ކެލާ ތުނޑި ސަރަހައްދުގައި ޓޫރިޒަމަށް ހާއްސަކޮށްގެން 100 ކޮޓަރި މި އެއްބަސްވުމުގެ ދަށުން ތަރައްގީކުރާނެ އެވެ.

ޓޫރިޒަމް މިނިސްޓްރީގައި ބޭއްވި ރަސްމިއްޔާތެއްގައި މި އެއްބަސްވުމުގައި އެ މިނިސްޓްރީގެ ފަރާތުން ސޮއިކުރެއްވީ ސީނިއާ ޕޮލިސީ ޑިރެކްޓަރު އިބްރަަހިމް ފަރުހާދެވެ. އަދި ފެޑޯގެ ފަރާތުން ސޮއިކުރެއްވީ އެ ކުންފީގެ މެނޭޖިން ޑިރެކްޓަރު އަހުމަދު ފަޔާޒެވެ.

Lease Agreement signed today between Ministry of Tourism and FEDO Private Limited to develop a 100 Room Hotel at #kelaa Thun'di area. Minister @Mausoom_Maus and Kelaa Constituency MP Ibrahim Shareef @kelaaibrey participated in the ceremony.#Maldives #VisitMaldives pic.twitter.com/cqrdrfJ2KM

— Ministry of Tourism (@MoTmv) March 16, 2021

މި ކޮޓަރިތައް އަޅާނީ ރިސޯޓުތަކުގެ ކޮޓަރިތައް ހުންނަ ގޮތަށް ކަމަށް ފެޑޯއިން ބުންޏެވެ. މި ޕްރޮޖެކްޓު ހިންގުމަށް އަށް ހެކްޓަރުގެ ބިން ފެޑޯއާ ހަވާލުކުރާނެ އެވެ. މި ޕްރޮޖެކްޓު ނިންމަން 30 މަސް ދުވަހުގެ މުއްދަތެއް ވަނީ އެ ކުންފުންޏަށް ދީފަ އެވެ.

ފެޑޯއިން ބުނީ ކޮޓަރިތައް ހެދުމުގައި އިޖުތިމާއީ ގޮތުންނާއި އިގްތިސާދީ ގޮތުން ފައިދާވާނެ ގޮތަށާއި ތިމާވެއްޓަށް ގެއްލުން ނުވާ ގޮތްތަކަށް ބަލާނެ ކަމަށެވެ. އަދި މި ޕްރޮޖެކްޓާ އެކު ތިލަދުންމަތީގެ ރައްޔިތުންނަށް ވަޒީފާގެ ފުރުސަތު ހުޅުވާލެވޭނެ ކަމަށް ވެސް އެ ކުންފުނިން ބުންޏެވެ.