ކަރީނާއާއި އަރުޖުން "ކީ އެންޑް ކާ" ގެ ސީކުއަލްގެ އިންތިޒާރުގައި

ކާމިޔާބު ފިލްމު "ކީ އެންޑް ކާ" އަށް 5 އަހަރު ފުުރުމާއި ގުޅިގެން އެ ފިލްމުގެ ސީކުއެލްއެއް ކުޅެން ބޭނުންވާކަމަށް ފިލްމުގެ ލީޑް ދެ ތަރިން ކަމަށްވާ ކަރީނާ ކަޕޫރް ޙާން އަދި އަރުޖުން ކަޕޫރު ކަޕޫރު ބުނެފި އެވެ.

2016 ވަނަ އަަހަރު އޭޕްރިލް 1 ވަނަ ދުވަހު ރިލީޒް ކުރި މި ފިލްމަކީ މި ދެތަރިން މިހާތަނަށް އެކުގައި ކުޅެފައިވާ ހަމައެކަނި ފިލްމެވެ.

ފިލްމަށް 5 އަހަރު ފުރުމާ ގުޅިގެން ކަރީނާ ކުރި ޕޯސްޓެއްގައި ބުނީ މިއީ ވަރަށް ހިތްހަމަޖެހިގެން ކުޅެވުނު ފިލްމެއް ކަމަށާއި ފިލްމުގެ ދެވަނަ ބައެއް ގެނެސްދޭ ޖެހޭކަމަށެވެ. ސަބަބަކީ ދެވަނަ ފަހަރަށް އަރުޖުން އަދި ބަލްކީއާއެކު މަސައްކަތް ކޮށްލަން އޭނާ ބޭނުންވާތީ ކަމަށްވެސް ބުނެފައި ވެއެވެ.

އަރުޖުން ބުނީ އޭނާ އެ ފިލްމު ހާއްސަކުރީ އޭނާގެ މަންމަ އަށް ކަަމަށާއި އަދި މިހާރު ކަރީނާ އާއި ބަލްކީއެކު ފިލްމުގައި މަސައްކަތް ކޮށްލެވުމުން ފިލްމުވަކިން ހާއްސަ ވެފައިވާކަމަށެވެ. އަދި އޭނާވެސް ފިލްމުގެ ދެވަނަ ބައެއް ބޭނުންވާ ކަމަށެވެ.

ފިލްމުގައި ދައްކުވައިދެނީ ކެރިއަރަށް މަރުދޭ އަންހެނަކާއި ހައުސް ހަސްބެންޑެއްގެ ގޮތުގައި ހުންނަން ބޭނުންވާ ފިރިހެނަކާ ކައިވެނިކޮށްގެން ދިމާވާ ހާދިސާތަކެކެވެ.