އިންތިޒާރު ނިމުމަކަށް، ފްރެންޑްސް ރީޔޫނިއަންގެ ޝޫޓިން އަންނަ ހަފްތާ

މިހާތަނަށް އުފެއްދި އެންމެ ކާމިޔާބު ސިޓްކޮމް "ފްރެންޑްސް" ގެ ރީޔޫނިއަންގެ ވާހަކަ ދެކެވޭތާ ލައްކަ ދުވަސް ފަހުން އަންނަ ހަފްތާ ތެރޭ ޝޫޓިން ފެށޭނެ ކަމުގެ އިޝާރާތެއް ލިބިއްޖެ އެވެ.

އެގޮތުން މި ރީޔޫނިއަން "ފްރެންޑްސް ރީޔޫނިއަން ސްޕެޝަލް"ގެ ނަމުގައި ބެލުން ތެރިންނަށް ގެނެސްދޭން ނިންމާފައިވާއިރު އިތުބާރު ހުރި މަސްދަރަކުން މައުލޫމާތު ލިބިފައިވާކަމަށް ޑެޑްލައިނުން ބުނެފައިވަނީ ރީޔޫނިއަންގެ ޝޫޓިން ފަށާނީ އަންނަ ހަފްތާ އެލްއޭގައި ކަމަށެވެ. ޝޫޓިން ކުރިއަށް ދާނީ ބަރބޭންކުގައި ހުންނަ ވޯނާރ ބްރަދާސްގެ ސްޓޫޑިއޯގައެވެ.

ރީޔޫނިއަންގެ އެޕިސޯޑްތައް ޑައިރެކްޓް ކުރުމަށް ހަމަޖެހިފައިވަނީ ބެން ވިންސްޓަންއެވެ. މިފަހަރުގެ އެޕިސޯޑުތަކުންވެސް އެ ސީރީޒްގެ ލީޑުން ފެނުނު ހުރިހާ ތަރިން ފެނިގެން ދާނެއެވެ.

ފުރަތަމަ ފްރެންޑްގެ ރީޔޫނިއަން ގެނެސްދޭން ނިންމީ މިދިޔަ އަހަރުގެތެރޭގައެވެ. ރީޔޫނިއަން އެޕިސޯޑްތަަނެއް ގެނެސްދޭ ވާހަަކަ މިދިޔަ އަހަރު ކޮވިޑް ޕެންޑެމިކްގެ ކުރިން ވަރަށް ގަދަޔަށް ދެކެވުމަށްފަހު ރީޔޫނިއަން ބޮޑަށް ލަސްވެގެން ދިޔައީ ކޮވިޑްގެ ސަބަބުންނެވެ.