ވެކްސިންގެ ދެވަނަ ދޯޒް ޖަހާތާ ދެ ހަފްތާ ފަހުން ރަށްރަށަށް ދަތުރު ކުރެވޭނެ

ކޮވިޑް 19 އިން ދިފާއުވުމަށް ޖަހާ ވެކްސިންގެ ދެވަނަ ޑޯޒް ޖަހާތާ ދެ ހަފްތާ ފަހުން ރަށްރަށަށް ދަތުރު ކުރެވޭނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

މިރޭ ރައީސް ކުރެއްވި ޓްވީޓެއްގައި ވިދާޅުވީ ކޮވިޑް ވެކްސިންޖަހާ ދެ ހަފްތާ ވެފައިވާ ފަރާތްތަކަށް ވަރަށް އަވަހަށް، އެއްވެސް ހުރަހެއްނެތި ރަށްރަށަށް ދަތުރުކުރެވެން ފެށޭނެކަމަށެވެ.

އެޗްޕީއޭގެ ތަފާސް ހިސާބުން ތައްކާ ގޮތުން މިހާތަނަށް ކޮވިޑް ވެކްސިންގެ ދެވަނަ ޑޯޒް 28،950 މީހަކު ވަނީ ޖަހާފަ އެވެ.

A year ago today, Malé city went into lockdown following its first positive Covid19 case.

As we wait for life to return to normal, I’m happy to announce that those who’ve had 2 weeks pass since their 2nd vaccine dose can soon travel freely to the atolls.

📷@LiquefyMaldives pic.twitter.com/NADQxga27U

— Ibrahim Mohamed Solih (@ibusolih) April 15, 2021

ރައީސްގެ ޓްވީޓުގައި އިތުރަށް ވިދާޅުވެފައިވަނީ މާލެ ސިޓީ ލޮކްޑައުންއަކަށް ދިޔަތާ އެއް އަހަރު ދުވަސް ފާއިތުވެފައިވާއިރު އެންމެންވެސް ކެތްމަދުވެފައި ތިބީ އާންމު ހާލަތަށް ދެވޭނެ ދުވަހެއްގެ އިންތިޒާރުގައި ކަމަށެވެ. އަދި ވެކްސިންގެ ދެ ޑޯޒް ހަމަކޮށްފައިވާ ފަރާތްތަކަށް ދެ ހަފްތާފަހުން ދަތުރުކުރެވޭނެ ކަން އިއުލާންކުރުމަކީ އެމަނިކުފާނަށް ލިބިގެން ދިޔަ އުފަލެއް ކަމަށެވެ.

ރާއްޖެ ލޮކްޑައުން ކުރި ފަހުން ކަރަންޓީނާ ނުލައި ރަށްރަށަށް ދެވިފައިވަނީ ހަމައެކަނި ހާއްސަ ހުއްދައިގެ ދަށުން ވަކި މުއްދަތަކަށެވެ. އެހެން ނޫން ނަމަ 14 ދުވަހުގެ ކަރަންޓީނެއް ފުރިހަމަ ކުރަން ޖެހެ އެވެ.