ވެކްސިންގެ ދެވަނަ ޑޯޒް 35،000 ވުރެ ގިނަ މީހުން ޖަހައިފި

ރާއްޖޭގައި މިހާތަނަށް ކޮވިޝީލްޑްގެ ވެކްސިންގެ ދެވަނަ ޑޯޒް 35،294 މީހުން ޖަހާފައިވާ ކަމަށް އެޗްޕީއޭއިން ބުނެފި އެވެ.

އެޗްޕީއޭގެ ތަފާސް ހިސާބުތަކުން ދައްކާގޮތުގައި މިހާތަނަށް މުޅި ރާއްޖެއިން ވެކްސިން ޖެހި މީހުންގެ ޖުމްލަ އަދަދު 278،069 ވަނީ އަރާފައެވެ.

މިދިޔަ ހުކުރު ދުވަހު އަތޮޅުތެރެއިން 1،310 މީހުން ވެކްސިންޖަހާފައިވާއިރު ފުރަތަމަ ޑޯޒް ޖަހާފައިވަނީ 547 މީހުންނެވެ. އަދި ދެވަނަ ޑޯޒް ޖެހީ 763 މީހުންނެވެ.

ފެބްރުއަރީ މަހު ކޮވިޝީލްޑް ވެކްސިންގެ ފުރަތަމަ ޑޯޒް ޖެހި މީހުންނަށް މިހާރު އަންނަނީ ދެވަނަ ޑޯޒް ދެމުންނެވެ.