ކުދި އަދި މެދުފަންތީގެ ވިޔަފާރިތަކަށް 361.3 މިލިއަން ރުފިޔާ ދޫކޮށްފި

ކޮވިޑް-19 އާއި ގުޅިގެން ލިބުނު ގެއްލުން ފޫބައްދަނަ ކުދި އަދި މެދުފަންތީގެ ވިޔަފާރިތަކަށް 361.3 މިލިއަން ރުފިޔާ ސަރުކާރުން ދޫކޮށްފި އެވެ.

އެގޮތުން ކުދި އަދި މެދުފަންތީގެ 2,114 ވިޔަފާރިއަކަށް ދޫކުރި ފައިސާގެ އަދަދު 361.3 މިލިއަން ރުފިޔާއަށް އަރާކަމަށް ފިނޭންސް މިނިސްޓްރީން މައުލޫމާތު ދެއެވެ.

ކުދި ވިޔަފާރިތަކަށް ލޯނު ދޫކުރަމުން ގޮސްފައި ވަނީ ހަ ޕަސެންޓުގެ އިންޓްރެސްޓުގައި ތިން އަހަރުން ދައްކާ ހަލާސް ކުރާ ގޮތަށް އެސްއެމްއީ، ޑިވްލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) ގެ މެދުވެރިކޮށެވެ.

ކޮވިޑާއި ގުޅިގެން ބޮޑެތި ވިޔަފާރިތަކަށް ވެސް ލޯނު ދޫކޮށްފައިވާއިރު މިހާތަނަށް ބޭންކް އޮފް މޯލްޑިވްސް މެދުވެރިކޮށް 585.9 މިލިއަން ރުފިޔާއާއި 8 މިލިއަން ޑޮލަރު ވަނީ ދޫކޮށްފައެވެ.

ކޮވިޑް-19 އިގެ ސަބަބުން ވަޒީފާ ގެއްލުނު މީހުންނާއި ވަޒީފާއަށް އަސަރު ކުރި މީހުންނަށް އިންކަމް އެލަވެންސްގެ ގޮތުގައި މިހާތަނަށް 418 މިލިއަން ރުފިޔާ ވަނީދޫކޮށްފައެވެ.