ރާއްޖެ އަންނަން ދެން ނެގެޓިވް ޕީސީއާރް ޓެސްޓް ބޭނުންވާނެ

ރާއްޖެ އަންނަ ހުރިހާ ފަރާތްތަކުން ވެސް ޕީސީއާރް ނެގަޓިވް ޓެސްޓް ނަތީޖާ ގެންނަން ޖެހޭގޮތަށް ހަމަޖައްސައިފި އެވެ.

މި މަހުގެ ތިން ވަނަ ދުވަހުން ފެށިގެން، ފަތުރުވެރިންނާއި، ވެކްސިންގެ ދެ ޑޯޒް ހަމަކޮށްފައިވާ މީހުން ހިމެނޭހެން ރާއްޖެއަށް އަންނަ ހުރިހާ ފަރާތްތަކުން 96 ގަޑިއިރު (ހަތަރު ދުވަސް) ނުވާ ޕީސީއާރް ނެގަޓިވް ނަތީޖާއެއް ހޯދައިގެން ނޫނީ ރާއްޖެއަށް ދަތުރު ނުކުރެވޭނެ ކަމަށް ޑިރެކްޓާ ޖެެނެރަަލް އޮފް ޕަބްލިކް ހެލްތު މައިމޫނާ އަބޫބަކުރު ރޭ ނެރުއްވި އެންގުމުގައި ބުނެފައިވެއެވެ.

މީގެ ކުރިން އޮންނަ ގޮތުން ނަމަ ވެކްސިންގެ ދެ ޑޯޒް ހަމަކޮށްފައިވާ ފަރާތްތަކަށް ރާއްޖެ އައުމަށް ޕީސީއާރް ޓެސްޓު ހަދާކަށް ނުޖެހެ އެވެ.

ނަމަވެސް، މި ފަހުން އިންޑިއާގައި ވަރަށް ބޮޑަށް ކޮވިޑް-19 ފެތުރުމުން އެ ގައުމުން އަންނަ މީހުން ޕީސީއާރް ޓެސްޓު ހަދަން ޖެހޭ ގޮތަށް ހަމަޖެއްސި އެވެ.

ޕީސީއާރް ޓެސްޓު ނަތީޖާ ބޭނުން ނުވާނީ ހަމައެކަނި އުމުރުން އެއް އަހަރުން ދަށުގެ ކުދިންނަށް ކަމަށް އެ އެންގުމުގައިވެ އެވެ.