ކޮވިޑް އެކްޓިވް ކޭސްތައް 5000 މައްޗަށް އަރައިފި

އިއްޔެ ރާއްޖެއިން ކޮވިޑަށް ޕޮޒިޓިވްވި 402 މީހުންނާއެކު ރާއްޖޭން މިހާތަނަށް ކޮވިޑަށް ޕޮޒިޓިވްވި ޖުމްލަ އަދަދު ވަނީ 30،237 އަރާފައެވެ.

މިހާރު އެކްޓިވް ކޭސްތަކުގެ އަދަދު 5،221 އަށް އަރާފައިވާއިރު، އޭގެ ތެރެއިން ހޮސްޕިޓަލްތަކުގައި ފަރުވާ ދެމުން އަންނަނީ 161 މީހުންނަށެވެ.

އިއްޔެ ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 174 މީހުންނާއި އަތޮޅުތަކުން ޕޮޒިޓިވްވި 179 މީހުންނާއި ރިސޯޓުތަކުން ޕޮޒިޓިވްވި ހަ މީހުންނާއި ސިނާއީ ރަށްރަށުން ޕޮޒިޓިވްވި 43 މީހެއް ކަމަށް އެޗްޕީއޭއިން މައުލޫމާތު ދެއެވެ.

ރޭގެ ވަގުތެއްގައި ކޮވިޑަށް ފަރުވާދެމުންދިޔަ އިތުރު މީހަކު މަރުވެފައިވާއިރު، މިބަލީގައި ރާއްޖެއިން މަރުވި މީހުންގެ ޖުމުލަ އަދަދަކީ 74 އެވެ.