ނަންބަރުތައް ދަށް ނުވާނަމަ ލޮކްޑައުންއަކަށް ދާންޖެހިދާނެ: ޓެގް

މިހާރަށްވުރެ ހަރުކަށި މޫވްމަންޓް ރިސްޓްރިކްޝަނެއް ގެންނަން ޖެހޭ ކަމަށާއި އެ ފިޔަވަޅުން ވެސް ކޮވިޑުގެ ހާލަތު ރަނގަޅުނުވާނަމަ ލޮކްޑައުނަކަށް ދާން ޖެހުން އެކަށީގެންވާ ކަމަށް ޓެކްނިކަލް އެޑްވައިޒަރީ ގްރޫޕް (ޓެގް) އިން މިރޭ ބުނެފި އެވެ.

އެޗްއީއޯސީން ބޭއްވި ނޫސްވެރިންގެ ބައްދަލުވުމެއްގައި ޓެގްގެ މެމްބަރު ޑރ. އަހުމަދު ޝަހީދު ވިދާޅުވީ ބަލި ފެތުރުން ހުއްޓުވުމަށްޓަކައި އެކި ފިޔަވަޅުތައް އަޅާފައިވާ ކަމަށެވެ.

ޑރ. ޝަހީދު ވިދާޅުވީ މިދިޔަ ހަފުތާގައި އެކަނި ވެސް 3،000 އަށްވުރެ ގިނަ މީހުން ޕޮޒިޓިވްވި ކަމަށެވެ. އެއީ ރާއްޖޭގައި ކޮވިޑު ފެތުރެން ފެށި ފަހުން އެއް ދުވަހެއްގައި އެންމެ ގިނަ މީހުން ޕޮޒިޓިވްވި ހަފުތާ އެވެ.

ފިޔަވަޅުތަކުން ހާލަތަށް ބަދަލެއް ނާންނަމަ ލޮކްޑައުނަކަށް ދާންޖެހިދާނެ ކަމުގެ އިންޒާރުދިން އިރު، ފާއިތުވި ދެ ތިން ހަފުތާގެ ތެރޭގައި ރިކޯޑު މިންވަރަކަށް މީހުން ކޮވިޑަށް ޕޮޒިޓިވްވެފައި ވެ އެވެ.