twitterviber whatsapp telegramfacebookyoutube instagram
5th April 2025

ކޮވިޑްގައި މިއަދު ދެވަނަ މީހަކު މަރުވެއްޖެ

ޚަދީޖާ އާދަމް
May 10, 2021

ކޮވިިޑް ޖެހިގެން މިއަދު ދެވަނަ މީހަކު މަރުވެއްޖެ އެވެ. މަރުވެފައިވަނީ ބ. އޭދަފުށި އުމުރުން 85 އަހަރުގެ މީހެކެވެ.

މީ ބ. އަތޮޅުން މިބައްޔަށް ޕޮޒިޓިވްވެގެން ނިޔާވި 2 ވަނަ މީހާއެވެ. މިމީހާ މިއަދު ހެނދުނު ނިޔާވެގެން ހޮސްޕިޓަލަށް ގެނެސް ޓެސްޓް ހެދިއިރު އޭނާ ވަނީ ކޮވިޑަށް ޕޮޒިޓިވްވެފައެވެ.

މި ބަލީގައި ރޭ ފަތިހުވެސް މީހަކު މަރުވެފައިވާއިރު އެއީ އުމުރުން 75 އަހަރުގެ އަންހެނެކެވެ. އެޗްޕީއޭއިން ބުނީ އެ މީހާ މަރުވެފައިވަނީ ހާލު ދެރަވެގެން އައިޖީއެމް ހޮސްޕިޓަލްގެ އެމަޖެންސީ ރޫމްގައި ފަރުވާދެމުން ދަނިކޮށް ފަތިހު 04:00 ހާއިރުއެވެ.

ކޮވިޑް ބަލީގައި އިއްޔެ ވެސް އެކަކު މަރުވި އެވެ. އެ ބަލި ޖެހިގެން މަރުވާ މީހުން އިތުރުވަމުން ދާއިރު މިދިޔަ ބުރާސްފަތި ދުވަހަކީ ރާއްޖެ އިން އެއް ދުވަހެއްގައި އެންމެ ގިނަ ބަޔަކު ކޮވިޑްގައި މަރުވި ދުވަހެވެ. އެ ދުވަހު ފަސް މީހަކު މަރުވެފައިވެ އެވެ.

ކޮވިޑް ކޭސްތައް ރާއްޖޭގައި އަނެއްކާވެސް އިތުރުވެފައިވާއިރު ކޮންމެ ދުވަހަކުހެން ޕޮޒިޓިވްވާ އަދަދު އުޅެނީ 700 މަތީގައެވެ. މިއީ ރާއްޖޭގައި ކޮވިޑް ފެތުރެން ފެށިފަހުން ހާލަތު އެންމެ ގޯސް ދުވަސްވަރެވެ.

Kulhudhuffushi Online
Hikifinifenmaage
Maalihaa Magu
H.Dh. Kulhudhuffushi
Tel: 6528355, 7978355