ކޮވިޑްގެ ނުރައްކާ ބޮޑުވެ މިއަދު 1،204 ކޭސް

މިއަދު ކޮވިޑް-19 އަށް ޕޮޒިޓިވްވި އަދަދު 1،204 އަރައިފި އެވެ. މިއީ ރާއްޖޭގައި ކޮވިޑް ފެތުރެން ފެށިފަހުން މިހާގިނަ މީހުން ޕޮޒިޓިވްވި ދުވަހެއެވެ.

އެޗްޕީއޭ އިން މިރޭ ބުނީ އިއްޔެ ހަވީރު 6 އިން މިއަދުގެ ހަވީރު 6 އަށް މާލޭން 961 މީހަކު ކޮވިޑަށް ޕޮޒިޓިވްވެފައިވާ ކަމަށެވެ. ރަށްރަށުން ބަލި ޖެހުނު މީހުންގެ އަދަދު ވެސް 235 އަށް އަރައި

މިހާރު ރާއްޖޭން ބަލި ޖެހިފައިވާ މީހުންގެ އަދަދު ވަނީ 10،376 އަށް އަރާފަ އެވެ. ހޮސްޕިޓަލުތަކުގައި އެޑްމިޓްކޮށްފައިވާ މީހުންގެ އަދަދު 244 އަށް ވަނީ އަރައިފަ އެވެ.

އެކްޓިވް ކޭސްތަކުގެ އަދަދު ދިހަ ހާހަށްވުރެ މައްޗަށް އަރާފައިވާއިރު މިހާތަނަށް ރާއްޖޭން މި ބަލީގައި 87 މީހަކު ވަނީ މަރުވެފައެވެ. މިއަދު އެކަނިވެސް ރާއްޖޭން މި ބަލީގައި 3 މީހަކު ވަނީ މަރުވެފައެވެ.