ކޮވިޑް ކޭސްއަކާ ގުޅިގެން އަނެއްކާވެސް ކުޅުދުއްފުއްޓަށް އަރައި ފޭބުން މަނާކޮށްފި

ކުޅުދުއްފުށި ސިޓީގައި ފުލޫ ކުލިނިކަށް ދެއްކި އަންހެނަކު ކޮވިޑް-19 އަށް ޕޮޒިޓިވްވެ، އަނެއްކާވެސް ރަށަށް އަރައި ފޭބުން މަނާކޮށްފި އެވެ. މިއަދު ޕޮޒިޓިވްވީ 34 އަހަރުގެ މީހެކެވެ.

މި ކޭސްއާ ގުޅިގެން ރަށް މޮނިޓަރިންގ ގެނެސް، ކޮންޓެކްޓް ޓްރޭސިން ހެދުމުގެ މަސައްކަތް ދަނީ ކުރަމުންނެވެ. ކައުންސިލުން ބުނީ މޮނިޓަރިނ ހާލަތުގައި ރަށަށް އަރާ ފޭބުމުގެ ހުއްދަ ދޫކުރާނީ ހެލްތް ޕްރޮޓެކްޝަން އެޖެންސީން ކަމަށެވެ.

މިމަހުގެ 2 ވަނަ ދުވަހުވެސް ކުޅުދުއްފުށިން ވަނީ ޕޮޒިޓިވް ކޭސްތަކެއް ފެނިފަ އެވެ. އެ ފަހަރުވެސް ޕޮޒިޓިވްވިކަން އެނގުނީ ރޯގާގެ އަލާމާތްތައް ފެނިގެން ފުލޫ ކުލިނިކަށް ދެއްކުމުންނެވެ. އެފަހަރު ޕޮޒިޓިވްވީ އެއް އާއިލާއަކަށް ނިސްބަތްވާ ހަތަރު މީހުންނެވެ.