ރާއްޖޭން ކޮވިޑުގައި މަރުވި މީހުންގެ އަދަދު 100 އަށް

ރާއްޖޭގައި ކޮވިޑް-19 ގެ ހާލަތު އެއްދުވަހުން އަނެއް ދުވަހަށް ގޯސްވަމުން ދާއިރު މި ބަލީގައި މަރުވާ މީހުންގެ އަދަދުވެސް ދަނީ މައްޗަށެވެ.

މިއަދު ފަތިހު 04:41 ހާއިރު ބަލީގައި އިތުރު މީހަކު މަރުވެފައިވާއިރު މިއީ ކޮވިޑްގައި ރާއްޖޭން މަރުވި 100 ވަނަ މީހާއެވެ.

Early morning at 04:41am a 56-year-old Maldivian female admitted at DH11 has passed away

This is the 100th COVID-19 death in the Maldives.

Our thoughts and prayers are with the bereaved family. May Allah grant her soul eternal peace in heaven

— Health Protection Agency (@HPA_MV) May 17, 2021

މިއަދު މަރުވެފައިވަނީ ޑީއެޗް11 ގައި ކޮވިޑަށް ފަރުވާދެމުން ދިޔަ 56 އަހަރުގެ ދިވެހި ފިރިހެނެކެވެ. ރޭ ދަންވަރު 12:14 ގައިވެސް 64 އަހަރުގެ ދިވެހި ފިރިހެނަކު ވަނީ ފަރުވާދެމުން ދަނިކޮށް މަރުވެފައެވެ. އެއީ ވެސް ޑީއެޗް11ގައި ފަރުވާދެމުން ދިޔަ މީހެކެވެ. ފާއިތުވި ދެ ހަފްތާ އަށް ބަލާއިރު 23 މީހަކު މިވަނީ ބަލީގައި ރާއްޖޭން މަރުވެފަ އެވެ.

ރޭ ހެލްތު އެމާޖެންސީ އޮޕަރޭޝަން ސެންޓަރުން ބޭއްވި ނޫސްވެރިންގެ ބައްދަލުވުމުގައި ޓެކްނިކަލް އެޑްވައިޒަރީ ގްރޫޕުގެ ފަރާތުން ޑރ. އަހުމަދު ޝަހީދު ވިދާޅުވީ ބަލީގައި މަރުވާ މީހުންގެ ތެރެއިން ގިނައީ ދިގު މުއްދަަތަކަށް ބޭސްކުރާ މީހުންނާއި އުމުރުން ދުވަސްވީ މީހުން ކަމަށެވެ.